04.07.2026 | 15:55
ՆԳՆ-ում քննարկել են հայրենական ռազմարդյունաբերական և տեխնոլոգիական լուծումների կիրառման հնարավորությունները
Չինաստանից Մեքսիկա 3000 մեքենա տեղափոխող նավը հրդեհվել է Խաղաղ օվկիանոսում
Քաղաքականություն
05.06.2025 | 19:49
«Morning Midas» բեռնատար նավը, որը շուրջ 3000 մեքենա էր տեղափոխում, հրդեհվել է Խաղաղ օվկիանոսում: Bloomberg-ի տվյալներով՝ տրանսպորտային միջոցները պատկանում էին չինական արտադրողների, այդ թվում՝ Chery Automobile Co և Great Wall Motor Co ընկերություններին, փոխանցում է Meduza-ն:
Լիբերիայի դրոշի ներքո նավարկող նավը մայիսի 26-ին դուրս է եկել Չինաստանի Շանդոնգ նահանգի Յանտայ քաղաքից։ Այն կանգ է առել չինական մի քանի այլ նավահանգիստներում և, պլանի համաձայն, պետք է Մեքսիկայի Լազարո Կարդենաս նավահանգիստ ժամաներ հունիսի 15-ին։
Նավի տախտակամածներից մեկում հրդեհ է բռնկվել հունիսի 3-ին, երբ այն գտնվել է Ադակ կղզուց մոտ 500 կիլոմետր հեռավորության վրա։ Հրդեհի պատճառն անհայտ է։
Նավի անձնակազմը փորձել է մարել կրակը, սակայն չի հաջողվել։ 22 հոգուց բաղկացած ամբողջ անձնակազմը, ի վերջո, տարհանվել է ԱՄՆ ափամերձ պահպանության ծառայության կողմից։ Հունիսի 4-ին գերատեսչությունը հայտնել է, որ անհայտ է՝ արդյո՞ք կրակը դեռ տարածվում է նավում, բայց դեռ ծուխ կա։
ԱՄՆ ափամերձ պահպանության տվյալներով՝ նավի վրա 3159 մեքենա կա, որոնցից 65-ն ամբողջությամբ էլեկտրական, իսկ 681-ը՝ հիբրիդային շարժիչով են։ Bloomberg-ի աղբյուրները ենթադրում են, որ տախտակամածի վրա կարող էր հրդեհվել էլեկտրական մեքենա, սակայն պարզ չէ, թե ինչ մակնիշի։
Թարգմանությունը՝ Էմմա Չոբանյանի
