08.09.2026 | 16:32
Նոր սահմանադրության հրապարակված տեքստը պաշտոնական չէ․ 5 օր առաջ ստեղծված կայքը, Իկոնոմովի պնդումը և նախարարության պարզաբանումը
Թրամփն արգելել է 12 երկրների քաղաքացիների մուտքը Միացյալ Նահանգներ
Քաղաքականություն
05.06.2025 | 10:05
ԱՄՆ նախագահ Դոնալդ Թրամփն արգելել է 12 երկրների քաղաքացիների մուտքը Միացյալ Նահանգներ և մասնակի սահմանափակումներ է սահմանել ևս յոթ երկրների բնակիչների համար․ նշված է Սպիտակ տան տարածված հաղորդագրությունում։
Ամբողջական արգելքը կվերաբերի Աֆղանստանի, Հայիթիի, Իրանի, Եմենի, Լիբիայի, Մյանմայի, Կոնգոյի Հանրապետության, Սոմալիի, Սուդանի, Չադի, Հասարակածային Գվինեայի և Էրիթրեայի քաղաքացիներին։ Սահմանափակումները ուժի մեջ կմտնեն երկուշաբթի՝ հունիսի 9-ին։
Բացի այդ, մասնակի սահմանափակումներ կսահմանվեն Բուրունդիի, Վենեսուելայի, Կուբայի, Լաոսի, Սիեռա Լեոնեի, Տոգոյի և Թուրքմենստանի քաղաքացիների համար։
Սահմանափակումները կվերաբերեն որոշակի տեսակի վիզաներին։ Փաստաթղթում նաև նշվում է, որ այս հրամանագրի ուժի մեջ մտնելուց առաջ տրված վիզաները կմնան ուժի մեջ։
Թարգմանությունը՝ Անահիտ Խաչատրյանի
