08.08.2026 | 13:57
Վթարային ջրանջատում` Երևանի Շենգավիթ վարչական շրջանում
Ադրբեջանը Քենիայում դեսպանատուն է բացել
Քաղաքականություն
03.06.2025 | 22:20
Ադրբեջանի արտաքին գործերի նախարար Ջեյհուն Բայրամովը Քենիա պաշտոնական այցի շրջանակում հանդիպել է այդ երկրի վարչապետ և արտաքին գործերի նախարար Մուսալիա Մուդավադիի հետ։
Ադրբեջանի ԱԳՆ-ի հաղորդմամբ՝«Բայրամովը քենիական կողմին տեղեկացրել է տարածաշրջանում հետկոնֆլիկտային իրավիճակի և Ադրբեջանի ազատագրված տարածքների վերականգնման մասին։ Քննարկվել են նաև Ադրբեջանի և Հայաստանի միջև հարաբերությունների կարգավորման գործընթացը, նախկին ներքին տեղահանված անձանց վերադարձի և մարդասիրական ականազերծման հարցերը, Բաքվի և Նայրոբիի միջև երկկողմ համագործակցությունը»։
Բայրամովը մասնակցել է նաև Քենիայում Ադրբեջանի դեսպանատան բացման արարողությունը: Դիվանագիտական ներկայացուցչության բացումը դիտարկվել է որպես կարևոր քայլ՝ Ադրբեջանի և Քենիայի միջև միջպետական հարաբերությունների շարունակման և ամրապնդման, ինչպես նաև համագործակցության զարգացման գործում:
Թարգմանությունը՝ Էմմա Չոբանյանի
