03.02.2026 | 23:21
Ֆրանսիան պատրաստ է լիակատար աջակցություն ցուցաբերել Հայաստանին COP17-ի կազմակերպման հարցում
Հոմսում ավելի քան 150 գրոհային վայր է դրել զենքն ու համաներում ստացել
Քաղաքականություն
17.07.2017 | 10:01
Սիրիացի 153 գրոհային վայր է դրել զենքը՝ որոշելով օգտվել ժողովրդական հաշտեցման ծրագրից և վերադառնալ խաղաղ կյանքի. հայտնում է ria.ru-ն՝ հղում անելով Հոմս նահանգի իր աղբյուրին։
«Հոմսի արվարձաններից 153 մարդ վայր է դրել զենքն ու համաներում ստացել»,- ասել է լրատվամիջոցի աղբյուրը:
Սիրիայի ժողովրդական հաշտեցման նախարարությունը պետական ծրագրի շրջանակում միջնորդների միջոցով բանակցություններ է վարում Սիրիայի քաղաքացիների հետ, որոնք կռվում են ապօրինի զինված խմբավորումների շարքերում։
Ծրագրի շրջանակներում երկրի ղեկավարությունն իր քաղաքացիներին առաջարկել է հանձնել զենքը, մասնակցել կազմակերպվող վերականգնողական դասընթացներին՝ Սիրիայի նախագահ Բաշար Ասադի հրամանով համաներում ստանալու և խաղաղ կյանքի անցնելու նպատակով:
Նշվում է, որ Սիրիայի կառավարության կողմից հայտարարված ծրագրի հաջողության ամենավառ օրինակը եղել է Հոմսում՝ 2014 թվականին, ուր հանձնվել է քաղաքի կենտրոնը զավթած 1500 գրոհային։
