24.05.2026 | 14:33
Ամենաուշը 2 տարուց մենք կունենանք Հայաստան-Եվրամիություն վիզաների ազատականացված վիճակ․ Նիկոլ Փաշինյան
Ուկրաինայի Զապորոժիեի և Խերսոնի մարզերի՝ ՌԴ-ի կողմից օկուպացված հատվածներ հոսանքազրկված են
Քաղաքականություն
03.06.2025 | 15:17
Ուկրաինայի Զապորոժիեի և Խերսոնի մարզերի՝ Ռուսաստանի կողմից օկուպացված հատվածներում էլեկտրաէներգիա չկա։ ՌԴ-ի կողմից վերահսկվող Զապորոժիեի վարչակազմի ղեկավար Եվգենի Բալիցկին հայտնել է, որ անօդաչու թռչող սարքի հարձակման հետևանքով տեղի է ունեցել էլեկտրաէներգիայի վթարային անջատում։ Նրա պնդմամբ՝ հարվածի տակ են հայտնվել էներգետիկ օբյեկտները, փոխանցում է Current time-ը։
Նշվում է նաև, որ տարածաշրջանի 457 բնակավայր ժամանակավորապես էլեկտրաէներգիա չունեն, իսկ անջատումն ազդել է ավելի քան 600,000 բաժանորդի վրա։
Ավելի ուշ Խերսոնի մարզի օկուպացիոն իշխանությունները նույնպես հայտարարել են էլեկտրաէներգիայի անջատման մասին: Ռուսաստանի կողմից նշանակված մարզի ղեկավար Վլադիմիր Սալդոն գրել է, որ «խոցված անօդաչու թռչող սարքերի բեկորներից վնասվել են Խերսոնի մարզի Գենիչեսկի շրջանում նոր ենթակայանը և Զապորոժիեի մարզի Մելիտոպոլի շրջանում գտնվող ենթակայանը»։
Նրա խոսքով՝ Գենիչեսկի, Նովոտրոիցկի, Իվանովսկի և Նիժնեսերոգոզկի շրջանների 150 բնակավայր մնում են առանց էլեկտրաէներգիայի։
«Սա ներառում է ավելի քան 104 հազար մարդու և 44 սոցիալական նշանակության օբյեկտ։ Բոլոր կարևոր օբյեկտները միացված են պահեստային էլեկտրաէներգիայի աղբյուրներին»,- մանրամասնել է Սալդոն։
Թարգմանությունը՝ Էմմա Չոբանյանի
