10.12.2025 | 20:23
Ադրբեջանն ու ՆԱՏՕ-ն համատեղ զորավարժությունների մասին փաստաթուղթ են ստորագրել
Սթարմերը հայտարարել է, որ Մեծ Բրիտանիան անցնում է «պատերազմի պատրաստվածության» ռեժիմի
Քաղաքականություն
02.06.2025 | 17:52
Մեծ Բրիտանիայի վարչապետ Քիր Սթարմերը հայտարարել է, որ երկիրը գնում է դեպի «պատերազմի պատրաստվածություն», քանի որ, ըստ նրա, աշխարհը բախվում է տարիների ընթացքում ամենամեծ անկայունությանը, գրում է Independent-ը։
Բրիտանացի պաշտոնյան ներկայացրել է նոր պաշտպանական միջոցառումները, այդ թվում՝ լրացուցիչ հարձակողական սուզանավերը 15 միլիարդ ֆունտ սթերլինգ արժողությամբ միջուկային մարտագլխիկների համար, նաև հազարավոր նոր հեռահար զենքեր, որոնք Մեծ Բրիտանիան կդնեն պատերազմի պատրաստության մեջ։ Սա տեղի է ունենում այն բանից հետո, երբ կառավարությունը երկար սպասված պաշտպանության ռազմավարության վերանայումից հետո եզրակացրել է, որ երկիրը պետք է պատրաստ լինի Եվրոպայում կամ Ատլանտյան օվկիանոսում պատերազմի։
«Երբ մեզ անմիջականորեն սպառնում են առաջադեմ ռազմական կարողություններ ունեցող պետությունները, նրանց զսպելու ամենաարդյունավետ միջոցը պատրաստված լինելն է և, անկեղծ ասած, նրանց ցույց տալը, որ մենք պատրաստ ենք ուժով խաղաղություն հաստատել»,- Գլազգոյում հայտարարել է Սթարմերը։
Նա խոստացել է Մեծ Բրիտանիան դարձնել «մարտականորեն պատրաստ, զրահապատ ազգ»՝ պնդելով, որ «հասարակության յուրաքանչյուր մաս, այս երկրի յուրաքանչյուր քաղաքացի ունի իր դերը»։
Միաժամանակ, Քիր Սթարմերի՝ պաշտպանության ծախսերն ավելացնելու ծրագրերը հարցեր են առաջացնում։ Լրատվամիջոցը գրում է, որ կառավարությունը 2027 թվականի ապրիլից սկսած կբարձրացնի պաշտպանության ծախսերը մինչև ՀՆԱ-ի 2.5%-ը՝ «նպատակադրվելով», բայց առանց որևէ հստակ պարտավորության, հաջորդ խորհրդարանում դրանք հասցնել 3%-ի։
Թարգմանությունը՝ Էմմա Չոբանյանի
