19.12.2025 | 17:29
Արագածոտնի մարզի Շամիրամ համայնքին կվերադարձվի 13.7 հա մակերեսով հողատարածք. Դատախազության հայցը բավարարվել է
Ֆրանկոֆոնիայի տնտեսական ֆորումն ազդեցություն կունենա արտաքին տնտեսական քաղաքականության վրա. Տիգրան Բալայան
Տնտեսություն
10.10.2018 | 18:21
Ֆրանկոֆոնիայի տնտեսական ֆորումն ազդեցություն կունենա արտաքին տնտեսական քաղաքականության վրա: Այս մասին այսօր՝ հոկտեմբերի 10-ին, լրագրողների հետ զրույցում նշեց ՀՀ ԱԳՆ խոսնակ Տիգրան Բալայանը:
«Ֆրանկոֆոնիայի միջազգային կազմակերպության գագաթնաժողովի շրջանակում անցկացվող տնտեսական ֆորումը հարթակ է, որում Հայաստանը դիվերսիֆիկացնելու է արտաքին տնտեսական հարաբերությունները: Ֆորումում ներկայացված են շուրջ հինգ տասնյակ երկրներից ոչ միայն պաշտոնյաներ, այլև գործարարներ»,- ասաց նա:
Բալայանն ուշադրություն հրավիրեց այն հանգամանքին, որ ֆորումի հիմնական թեմաներից մեկը թվային տեխնոլոգիաներն են, իսկ այդ առումով մենք շատ առաջարկներ ունենք:
«Կազմվել էր միջգերատեսչական հանձնաժողով փոխվարչապետ Տիգրան Ավինյանի գլխավորությամբ, ով ամենօրյա աշխատանքով վերահսկել է Ֆրանկոֆոնիայի տնտեսական ֆորումի, բուն գագաթնաժողովի նախապատրաստական աշխատանքները: Հենց այս կառույցում են ծնվել նախաձեռնությունները, քննարկվել են դրանք, որոշումներ են ընդունվել: Շատ հարցերի տրվել են օպերատիվ լուծումներ: Տնտեսական ֆորումին այս բազմամարդությունը և ներկայությունը շատ կարևոր է»,- հավելեց Տիգրան Բալայանը:
