19.02.2026 | 17:38
Կփոխհատուցվեն 2024-2025 թթ. մարզերում տեղացած կարկուտի հետևանքով հողօգտագործողներին պատճառված վնասները
Քաղաքապետարանում խուզարկությունից հետո ձերբակալվածներ կան
Հասարակություն
27.05.2025 | 15:51
Երևանի քաղաքապետարանի երկու նախկին աշխատակից ձերբակալվել է Հակակոռուպցիոն կոմիտեում քննվող վարույթի շրջանակում։ Այս մասին Factor TV-ին հայտնեց կոմիտեի մամուլի խոսնակ Մարինա Օհանջանյանը։
Մենք արդեն հայտնել ենք, որ Երևանի քաղաքապետարանի երկրորդ մասնաշենքում Հակակոռուպցիոն կոմիտեն ապացուցողական գործողություններ է իրականացրել։ Հենց այս գործողությունների արդյունքով էլ ձերբակալվել են մի շարք անձինք, այդ թվում` քաղաքապետարանի 2 նախկին աշխատակից։
Թե ովքեր են նրանք, վարույթն իրականացնող մարմնից չեն մանրամասնում։ Միայն տեղեկացնում են, որ վարույթը վերաբերում է կաշառք տալուն և ստանալուն։
Մեր տեղեկություններով՝ գործողություններն իրականացվել են քաղաքաշինության վարչությունում։
Հիշեցնենք՝ օրեր առաջ էլ դարձյալ նույն մասնաշենքից երկու պաշտոնյաներ էին ձերբակալվել և կալանավորվել։ Նրանք մեղադրվում են կաշառք ստանալու համար։
Արփի Հակոբյան
