05.11.2026 | 00:08
Ինչ է որոշել ընդդիմությունը. Նարեկ Կարապետյանը հանդիպումից հետո մանրամասներ հայտնեց. ՏԵՍԱՆՅՈՒԹ
Ինքնակամ կառույցը քանդեցին. քաղաքացին փորձում էր խոչընդոտել․ ՏԵՍԱՆՅՈՒԹ
Հասարակություն
27.05.2025 | 15:30
Այսօր Սարյան փողոցում ապամոնտաժման աշխատանքներ են իրականացվել։ Երևանի քաղաքապետի որոշմամբ՝ Սարյան 24 հասցեին հարակից մետաղական շինությունները քանդվեցին։ Որոշման համաձայն՝ Երևան համայնքին պատկանող հողամասերում, առանց հողօգտագործման իրավունքի և առանց համապատասխան թույլտվության, իրականացվել են մետաղական շինությունների տեղադրման աշխատանքներ, իսկ դրանով ծանրաբեռնված հողամասը փաստացի օգտագործվել է ապօրինի, քանի որ այդ հողամասի նկատմամբ չկա ՀՀ օրենսդրությամբ սահմանված կարգով ձևակերպված որևէ իրավունք։
Շինության շահագործողը՝ Անդրեյ Սերգոյանը, Factor TV-ի հետ զրույցում նշեց, որ տասը տարուց ավելի այս տարածքում գործունեություն է ծավալում, իսկ սեփականության իրավունք ձեռք բերելու համար դիմել է դատարան, սակայն դատարանը մերժել է նրա հայցը։
Քաղաքացին դժգոհում է՝ քաղաքապետարանից իրենց պատշաճ տեղյակ չեն պահել սպասվելիք ապամոնտաժման մասին։ Երևանի քաղաքապետարանի հասարակական կարգի պահպանության ծառայության պետի ժամանակավոր պաշտոնակատար Ավետիք Բաբայանն էլ հակադարձում է՝ տարածքը շահագործողներին երեկ հայտնի է եղել ապամոնտաժման աշխատանքների մասին, իսկ ուսումնասիրությունների արդյունքում պարզվել է, որ քաղաքացին համայնքային հող է զավթել։
Մինչ քանդման աշխատանքների սկսվելը՝ տարածքը շահագործողը փորձեց ինքնավնասման փորձ իրականացնել, որը ոստիկանների կողմից կանխվեց։ Քաղաքացին, այնուհետև, բերման ենթարկվեց։
Մանրամասները՝ տեսանյութում։
Անի Թամրազյան
