Հասարակություն
27.05.2025 | 12:13ԱԺ-ն քննարկում է «Անկախ Պետությունների Համագործակցության մասնակից պետությունների՝ անձանց միջպետական հետախուզման մասին» 2010 թվականի դեկտեմբերի 10-ի պայմանագրում փոփոխություններ կատարելու մասին» արձանագրությունը վավերացնելու մասին օրենքի նախագիծը:
Հարցը զեկուցող ՆԳ փոխնախարար Արմեն Ղազարյանը հայտնեց, որ արձանագրության վավերացումն ուղղած է ԱՊՀ անդամ պետությունների միջև հետախուզումների վերաբերյալ համագործակցության բարելավմանը: Փոխնախարարի փոխանցմամբ՝ հարցը մասնավորապես վերաբերում է հետախուզման հետ կապված փաստաթղթերի՝ էլեկտրոնային ճանապարհով փոխանցման հնարավորություններին, ինչը ներկայիս կարգավորումներով առկա չէ:
ՔՊ խմբակցության քարտուղար Արթուր Հովհաննիսյանն էլ շեշտեց, որ գաղտնիք չէ որ ՀՀ-ին նախկին մի շարք պաշտոնյաններ, ովքեր «պետական միջոցները թալանել են՝ փախել և ապաստան են գտնել ԱՊՀ երկրների տարածքում։ Նա փոխնախարարից հետաքրքրվեց, թե նոր փոփոխություններով արդյոք Մոսկվայի իրենց գործընկերները արտահանձնելու են նրանց։
Արմեն Ղազարյանն էլ ներկայացնելով վիճակագրական տվյալներ ԱՊՀ տարածքում միջպետական հետախուզումների վերաբերյալ, տեղեկացրեց, որ անցած տարի միջպետական հետախուզում է հայտարարվել 1200-ից ավելի անձի նկատմամբ: Նա նաև հայտնեց, որ 2022-2024 թվականների ընթացքում ՆԳՆ ոստիկանության կողմից հայտնաբերվել են 700-ից ավելի անձինք և փոխանցվել ԱՊՀ անդամ պետությունների գործընկերներին:
Մանրամասները՝ տեսանյութում։
