Տնտեսություն
27.05.2025 | 11:20Խորհրդարանն առաջին ընթերցմամբ քննարկում է «Պետական տուրքի մասին» օրենքում փոփոխություն կատարելու մասին» օրենքի նախագիծը։ Հարցը զեկուցող էկոնոմիկայի նախարարի տեղակալ Էդգար Զաքարյանը տեղեկացրեց, որ նախագծի ընդունումը պայմանավորված է Հայաստանի համար ռազմավարական նշանակություն ունեցող ցեմենտի ներքին շուկան և տեղական արտադրությունը պաշտպանելու, ինչպես նաև հավասար մրցակցության դաշտ ապահովելու անհրաժեշտությամբ:
Փոխնախարարի խոսքով՝ վերջին շրջանում ներմուծվող ցեմենտի գների կտրուկ նվազում, ինչի հետևանքով, ըստ փոխանախարարի, տեղական ցեմենտը գնային առումով դարձել է ոչ մրցունակ, ստեղծվել են անհավասար մրցակցային պայմաններ տեղական ցեմենտի և ներմուծվողի միջև:
«Ստեղծվել է իրավիճակ, երբ ներմուծվող ցեմենտը ոչ միայն լրջորեն խաթարում է տեղական արտադրողների դիրքերը, այլև սպառնում է նրանց գոյությանը։ Նման պայմաններում նրանք կարող են կանգնել արտադրության դադարեցման, իսկ շուկան՝ ներմուծումից ամբողջական կախվածության առաջ, ինչը կվնասի մեր արդյունաբերական քաղաքականությանը և կբերի ցեմենտի գների անկանխատեսելի աճի »,- ներկայացրեց Զաքարյանը։
Նա նաև նշեց, որ Հայաստան հիմնականում Իրանից է ցեմենտ ներմուծվում, որտեղ էներգակիրները բավականին էժան են։
Նշենք, որ նախագծով նախատեսվում է ներմուծվող ցեմենտի տուրքը 2 հազարից դարձնել 8 հազար դրամ։
Մանրամասները՝ տեսանյութում։
