26.04.2026 | 19:14
Արսեն Հարությունյանը՝ ըմբշամարտի Եվրոպայի առաջնության բրոնզե մեդալակիր
Հայկ Մարությանն ավագանու անդամներին կոչ արեց ուշադիր և հետևողական լինել երևանցիների խնդիրներին. ՏԵՍԱՆՅՈՒԹ
Քաղաքականություն
10.10.2018 | 11:53
Ես երջանիկ եմ, որ մենք այսօր ներկայացնում ենք մեր Երևանի բնակիչներին, և այս ամենը տեղի է ունեցել ազատ, արդար և թափանցիկ ընտրությունների միջոցով. այս մասին այսօր՝ հոկտեմբերի 10-ին, Երևանի նորընտիր ավագանու առաջին նիստին ասաց Հայկ Մարությանը:
«Մենք բոլորս միասին ունենք պատմական հնարավորություն՝ ի կատար ածել այն բոլոր երազանքները, որ մենք տարիներ շարունակ ունեինք, որ ունեին Երևանի բնակիչները: Վստահ եմ, որ այս ավագանու կազմով՝ անկախ կուսակցության պատկանելությունից, կանենք այնպես, որպեսզի մեր երևանցիներն ամեն օր, ամեն ժամ, ամեն րոպե և ամեն վայրկյան ժպտան»,- հավելեց Մարությանը:
Նա վստահեցրեց, որ Երևանի ավագանու ամբողջ կազմը դիտարկում է որպես մեկ մարմին, չի տարբերակում ըստ խմբակցությունների. «Մենք բոլորս՝ ավագանու 65 անդամները, պետք է աշխատենք միասին, ամեն վայրկյան մտածենք մեր քաղաքի, երևանցիների մասին: Եվ ես կխնդրեմ բոլորին՝ միշտ ուշադիր լինել Երևանի բնակիչների բոլոր խնդիրներին, բոլոր ահազանգերին, անհապաղ արձագանքել, բոլոր հարցերը հասցնել այստեղ՝ ավագանու նիստին, հանել քննարկման, և դրանց լուծում տալ»:
