09.06.2026 | 12:34
Ինչու Արփինե Սարգսյանը չի ներկայացել ԱԺ` բյուջեի կատարողականը ներկայացնելու
Ոչ մի գաղտնիք կամ թաքնված ուղերձ չկա. ԱՄՆ դեսպանը՝ Փաշինյանին հղած Թրամփի ուղերձի մասին․ ՏԵՍԱՆՅՈՒԹ
Քաղաքականություն
09.10.2018 | 18:40
Ոչ մի գաղտնիք կամ թաքնված ուղերձ նախագահ Թրամփի կողմից չկա՝ ուղղված երկու երկրների ղեկավարներին:
Այս մասին այսօր՝ հոկտեմբերի 9-ին լրագրողների հետ հանդիպմանը հայտարարեց Հայաստանում դիվանագիտական գործունեությունն ամփոփող ԱՄՆ դեսպան Ռիչարդ Միլսը՝ պատասխանելով Հայաստանի անկախության տոնի առիթով վարչապետ Նիկոլ Փաշինյանին հղած ուղերձում Ղարաբաղյան հակամարտության հիշատակման մասին հարցին:
Դեսպանի խոսքով՝ վերջին շրջանում Հայաստանում և Ադրբեջանում քաղաքական զարգացումներ տեղի ունեցան. «Անցյալ տարի Ադրբեջանում ընտրություններ էին, իսկ այս տարի մայիսին այստեղ մենք տեսանք այս դրամատիկ փոփոխությունները: Նախագահի ուղերձի այս խոսքերը, կարծես, վերաբերում են նրան, որ այժմ երկու երկրներում էլ կան նոր լիցքեր, նորովի տրամադրվածություն, որը կարող է օգնել և խթանել նոր լուծումներ գտնելու: Դա հույսի և ակնկալիքի դրսևորում է»:
Հիշեցնենք, որ սեպտեմբերի 21-ին ԱՄՆ նախագահ Դոնալդ Թրամփի՝ ՀՀ վարչապետին հղած ուղերձում, մասնավորապես, նշվում է. «Առաջիկա ամիսներին հնարավորություններ են բացվում Լեռնային Ղարաբաղի հակամարտության կարգավորման համար, որը կարող է նաև նոր հնարավորություններ բացել հայ-ամերիկյան գործակցության համար: Որպես ԵԱՀԿ Մինսկի խմբի անդամ պետություն՝ Միացյալ Նահանգները պատրաստ է աշխատել Ձեզ հետ հակամարտությանը տևական խաղաղ լուծում գտնելու շուրջ»:
