18.02.2026 | 14:26
Արցախում ականի վրա ադրբեջանցի սակրավոր է պայթել
ԵՄ երկրները համաձայնեցրել են 150 միլիարդ եվրոյի պաշտպանական հիմնադրամի ստեղծումը
Քաղաքականություն
19.05.2025 | 22:27
ԵՄ երկրները սկզբունքորեն համաձայնության են եկել Եվրոպայի պաշտպանությունը հզորացնելու համար 150 միլիարդ եվրոյի (168,3 միլիարդ դոլար) չափով հիմնադրամի ստեղծման շուրջ, որը հայտնի է որպես Եվրոպայի անվտանգության գործողություն (SAFE)։ Այս մասին Reuters-ին ասել է ԵՄ դիվանագիտական աղբյուրը։
Եվրահանձնաժողովի կողմից մարտին առաջարկված ծրագիրը կֆինանսավորվի համատեղ փոխառությունների միջոցով և վարկեր կտրամադրի ԵՄ անդամներին և որոշակի այլ երկրների, ինչպիսին է Ուկրաինան, այն նախագծերի համար, որոնք կամրապնդեն նրանց պաշտպանությունը և կխթանեն Եվրոպայի զենքի արդյունաբերությունը։
Նախաձեռնությունը Եվրահանձնաժողովի կողմից առաջարկվել է 2025 թվականի մարտին։ Այն թույլ կտա մինչև 800 միլիարդ եվրո լրացուցիչ պաշտպանական ծախսեր կատարել առաջիկա տարիներին։ Այս ծրագրի շրջանակում առաջարկվում է 150 միլիարդ եվրո ներգրավել վարկերի տեսքով, այդ թվում՝ զենքի (հրետանային, հրթիռային, զինամթերք, անօդաչու թռչող սարքեր և հակաօդային համակարգեր) գնման համար։
Եվրահանձնաժողովի ղեկավար Ուրսուլա ֆոն դեր Լեյենն առաջարկել էր մնացած 650 միլիարդ եվրոն ստանալ Եվրոպական ներդրումային բանկից, մասնավոր ներդրողներից և ԵՄ անդամ պետությունների կողմից պաշտպանական ծախսերի ավելացումից։
Թարգմանությունը՝ Էմմա Չոբանյանի
