«Ոչ մի զանգ դեռ չեմ ստացել». Մարուքյանը դժգոհում է, իսկ ընդդիմադիր խմբակցությունները չեն շտապում քննարկել իր թեկնածության հարցը

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

ՔՊ-ական նախկին պատգամավորներ Հովիկ Աղազարյանի և Հակոբ Ասլանյանի կողմից Նիկոլ Փաշինյանին անվստահություն հայտնելու և Էդմոն Մարուքյանին վարչապետի թեկնածու առաջադրելու գաղափարին դեռ պաշտոնապես չեն արձագանքել ԱԺ ընդդիմադիր «Հայաստան» և «Պատիվ ունեմ» խմբակցությունները։ Այս մասին ֆեյսբուքյան ուղիղ եթերի ընթացքում հայտնել է Էդմոն Մարուքյանը։

«Ոչ մի զանգ դեռ չեմ ստացել և սպասում եմ հանդիպման։ Երեկ ամբողջ օրն անցել է։ Ժամանակին կար, որ հրատապ է այս հարցը (նկատի ունի Փաշինյանին անվստահություն հայտնելը-Ն.Կ.), բայց ձեն-ձուն չկա։ Հույս ունեմ, որ վաղը կկապվեն», – ուղիղ եթերում ասել է Էդմոն Մարուքյանը՝ շեշտելով, որ ինքը հանդիպման պատրաստ է ցանկացած պահի։

Հիշեցնենք՝ այս գործընթացի մասին հայտնի դարձավ մայիսի 16-ին։ ԱԺ-ում հարցն առաջ տանելու համար անհրաժեշտ է 36 պատգամավորի ստորագրություն։ Ընդդիմադիր երկու խմբակցությունները միասին ունեն 34-ը, ևս երկուսն էլ ապահովում են ՔՊ-ից հեռացած Հովիկ Աղազարյանն ու Հակոբ Ասլանյանը։

Factor.am-ը փորձել է պարզել ընդդիմադիր խմբակցությունների դիրքորոշումը Մարուքյանին առաջադրելու վերաբերյալ։ «Պատիվ ունեմ»-ի ղեկավար Հայկ Մամիջանյանը փոխանցեց, որ հարցը դեռ խմբակցությունում չեն քննարկել, ուստի դիրքորոշում հայտնել չի կարող։ Ճշտող հարցին ի պատասխան էլ ասաց, որ առաջիկայում են քննարկելու՝ առանց հստակ ժամկետներ նշելու։

«Հայաստան» խմբակցությունից պատգամավոր Ագնեսա Խամոյանը ևս փոխանցեց, որ հարցը դեռ չեն քննարկել խմբակցությունում և չգիտի, թե երբ են անդրադառնալու հարցին։

Փաշինյանին իմպիչմենտ հայտնելու թեման օրակարգ են բերել «Արթուն ենք» նախաձեռնության անդամներ Էդգար Ղազարյանն ու Նարեկ Մալյանը։ «Պատիվ ունեմ»-ից նրանց պատասխանել էին, թե իրենք էլ են անվստահություն հայտնելը համարում իշխանափոխության ամենահավանական ճանապարհը։ «Պատիվ ունեմ»-ից ասել էին, որ պատրաստ են առանց նախապայմանների քննարկել թեկնածուի հարցն ու սկսել։ Ավելին՝ Հայկ Մամիջանյանը ԱԺ ճեպազրույցի ժամանակ նշել էր, որ կաջակցեն, եթե «Հայաստան» խմբակցությունը թեկնածու առաջադրի Ռոբերտ Քոչարյանին։

«Հայաստան» խմբակցությունից էլ նշել էին, թե 28 պատգամավորներն էլ պատրաստ են ստորագրել իմպիչմենտի գործընթացը սկսելու համար, եթե նախաձեռնողները ապահովեն պակասող երկու ստորագրությունը, ու բացի այդ հայտարարեն՝ հաջողության հասնելու համար անհրաժեշտ ժողովրդական զանգված ապահովելու պատասխանատվության մասին։

Էդմոն Մարուքյանն իր այսօրվա ուղիղ եթերում ընդդիմադիր խմբակցությունների ուշադրությունը հրավիրում էր այն հանգամանքին, որ գործընթացը սկսելու համար կան բավարար թվով ստորագրություններ։ Այնուամենայնիվ, եթե անվստահության գործընթացը սկսվի, այն վերջնականացնելու համար ընդդիմադիրներից զատ անհրաժեշտ է նաև 18 կողմ քվե, իսկ իշխող ՔՊ-ն հայտնել է, որ Փաշինյանին անվստահություն հայտնելու հիմքեր չի տեսնում։

Նարեկ Կիրակոսյան