16.11.2024 | 14:15
NYMEX. Թանկարժեք մետաղների գները նվազել են
Հայաստանի և Լիտվայի ԱԳ նախարարները քննարկել են ՀՀ-ԵՄ համաձայնագրի շրջանակներում համագործակցության խորացման հեռանկարները
Քաղաքականություն
09.10.2018 | 13:39
Հոկտեմբերի 8-ին ԱԳ նախարար Զոհրաբ Մնացականյանը հանդիպեց Լիտվայի արտաքին գործերի նախարար Լինաս Լինկյավիչուսի հետ, ով գտնվում է Հայաստանում մասնակցելու Ֆրանկոֆոնիայի միջազգային կազմակերպության գագաթաժողովի աշխատանքներին:
Գոհունակություն հայտնելով վերջին շրջանում հայ-լիտվական հարաբերություններում առկա դրական դինամիկայի կապակցությամբ՝ երկու երկրների արտգործնախարարները քննարկեցին ոլորտային համագործակցությունն առավել խորացնելու ուղղությամբ ձեռնարկվելիք համատեղ քայլերը: Որպես առաջնահերթություն նախարարներն ընդգծեցին տեղեկատվական տեխնոլոգիաների և նորարարության ոլորտը՝ այդ առնչությամբ կարևորելով երկու երկրների փորձի փոխանակման ուղղությամբ նախագծերի և ծրագրերի ձեռնարկումը:
Զոհրաբ Մնացականյանը և Լինաս Լինկյավիչուսը կարևորեցին նաև երկկողմ բարձրաստիճան պարբերական շփումների անցկացումը, ինչպես նաև բազմակողմ ձևաչափերում փոխգործակցություն խորացումը: Այս համատեքստում Հայաստանի և Լիտվայի արտաքին քաղաքական գերատեսչությունների ղեկավարներն արժևորեցին Ֆրանկոֆոնիայի միջազգային կազմակերպությունը՝ որպես շփումների կարևոր հարթակ, և համոզմունք հայտնեցին, որ Երևանում անցկացվող նախարարական 35-րդ համաժողովը և 17-րդ գագաթաժողովն իրենց ուրույն նպաստը կբերեն Կազմակերպության առավել ամրապնդմանը՝ հիմնված Ֆրանկոֆոնիայի հռչակած արժեքների և սկզբունքների վրա:
Զրուցակիցները նաև մտքեր փոխանակեցին Հայաստան-Եվրոպական Միություն փոխգործակցության, ինչպես նաև ՀՀ-ԵՄ Համապարփակ և ընդլայնված գործընկերության համաձայնագրի շրջանակներում բամզակողմ և երկկողմ համագործակցության խորացման հեռանկարների շուրջ:
