30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Պայթյուն, փլատակներից տուժածների դուրսբերում, քաղաքացիների տարհանում. երկրաշարժի իմիտացիա Արարատ քաղաքում
16.05.2025 | 17:20
Պայթյուն բենզալցակայանում, քաղաքացիների տարհանում, փլատակներից տուժածների դուրսբերում, առաջին օգնության ցուցաբերում։ Սարսափ ֆիլմի սցենար չէ. ՆԳՆ Փրկարար ծառայության հերթական տակտիկական ուսումնավարժանքն է՝ այս անգամ Արարատ քաղաքում․ տեղեկացնում են ՆԳՆ ՓԾ-ից։
Ըստ սցենարի՝ փրկարարները աշխատանքներ են իրականացնում երկրաշարժից տուժած տեղամասերում։
ՓԾ Արարատի մարզային փրկարարական վարչության պետի ժամանակավոր պաշտոնակատար Մանվել Ավետիսյանի խոսքով՝ «Աշխատանքներն իրականացվել են երեք տեղամասերում. ընտրվել է Արարատի բժշկական քոլեջը, բենզալցակայանը, որտեղ իրականացվել են հրդեհաշիջման աշխատանքներ և երկրաշարժի հետևանքով մասնակի փլուզված շենք-շինությունը»։
Ուսումնավարժանքին ներգրավված էին մարզային փրկարարական վարչության ստորաբաժանումները, Պարեկային ծառայությունը, «Արարատ» բժշկական կենտրոնի անձնակազմը, շահագրգիռ կազմակերպությունների ներկայացուցիչներ։
Ուսումնավարժությանը հետևում էին մարզային և քաղաքային իշխանության ներկայացուցիչներ։
Պարբերաբար անցկացվող վարժանքների նպատակը փրկարարների հմտությունների կատարելագործումը, ճգնաժամային իրավիճակներում արագ և ճիշտ կողմնորոշվելու կարողությունները զարգացնելն ու հասարակության պաշտպանվածությունը բարձրացնելն է։
