29.04.2026 | 23:40
Հայաստան–ՄԱԿ համագործակցություն․ ուշադրության կենտրոնում՝ խոցելի խմբերի պաշտպանությունը
Շնորհավորել ենք Հայաստանի և Ադրբեջանի ղեկավարներին խաղաղության պայմանագրի ավարտի համար․ սպասում ենք շուտով ստորագրմանը․ Ուրսուլա ֆոն դեր Լեյեն
Քաղաքականություն
16.05.2025 | 15:08
Եվրահանձնաժողովի նախագահ Ուրսուլա ֆոն դեր Լեյենն անդրադարձել է իր ու Եվրոպական խորհրդի նախագահ Անտոնիո Կոշտայի առանձին հանդիպումներին ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ՝ Ալբանիայում ընթացող Եվրոպական քաղաքական համայնքի 6-րդ գագաթնաժողովի շրջանակում։
«Եվրոպական խորհրդի նախագահն ու ես շնորհավորեցինք Հայաստանի և Ադրբեջանի ղեկավարներին խաղաղության պայմանագրի ավարտման կապակցությամբ։ Սա մեծ քայլ է առաջ։ Եվ մենք անհամբեր սպասում ենք դրա շուտափույթ ստորագրմանը»,- գրել է ֆոն դեր Լեյենը X-ի իր միկրոբլոգում՝ հավելելով, որ ԵՄ-ն պատրաստ է ներդրումներ կատարել տարածաշրջանային կապակցվածության մեջ և ամբողջ տարածաշրջանն ավելի մոտեցնել միմյանց և Միությանը։
Նույնաբովանդակ գրառում է հրապարակել նաև Անտոնիո Կոշտան։
Հիշեցնենք, որ Նիկոլ Փաշինյանը Տիրանայում անցկացվող Եվրոպական քաղաքական համայնքի 6-րդ գագաթնաժողովի շրջանակում նախօրեին հանդիպում էր ունեցել Եվրոպական խորհրդի նախագահ Անտոնիո Կոշտայի ու Եվրոպական հանձնաժողովի նախագահ Ուրսուլա ֆոն դեր Լեյենի հետ։
Եվրոպացի պաշտոոնյաները հանդիպել են նաև Ադրբեջանի նախագահ Իլհամ Ալիևի հետ։ Մանրամասներ չեն հրապարակվել։
Թարգմանությունը՝ Էմմա Չոբանյանի
