19.12.2025 | 19:10
Փարաքար համայնքին կվերադարձվի 0.2 հա մակերեսով հողամաս. Գլխավոր դատախազության հայցը բավարարվել է
Ռոստովում ՌԴ ՊՆ-ի հետ պայմանագիր կնքած նախկին բանտարկյալները ռազմաճակատ ուղարկվելուց առաջ փախել են զորավարժարանից
Քաղաքականություն
13.05.2025 | 16:19
Տասը նախկին բանտարկյալներ, որոնք պայմանագրեր են կնքել ՌԴ Պաշտպանության նախարարության հետ և պետք է մեկնեին Ուկրաինայում պատերազմի, փախել են Ռոստովի մոտ գտնվող ռազմական զորավարժարանից, գրում է Meduza-ն։
Հաղորդվում է, որ փախուստը տեղի է ունեցել մայիսի 8-ի լույս 9-ի գիշերը։ Նախկին բանտարկյալների թվում են կողոպուտի, սպանության, թմրանյութերի ապօրինի շրջանառության և բռնաբարության համար դատապարտվածներ։
Donday-ը գրում է, որ պայմանագրային զինծառայողները փախել են «հատուկ գործողության» գոտի ուղարկվելուց մի քանի օր առաջ։ Նշվում է, որ նրանցից չորսը ձերբակալվել են փախուստից հետո առաջին 24 ժամվա ընթացքում։
«Երկուսի գտնվելու վայրն արդեն պարզվել է, ձերբակալությունն է նախապատրաստվում»,- 161.ru-ին ասել է աղբյուրը։
Թարգմանությունը՝ Էմմա Չոբանյանի
