24.05.2026 | 17:46
Եթե իմանամ՝ Թևանյանը դավաճան ա, շպիոն ա, իմ ձեռքով կգնդակահարեմ իրեն․ Ծառուկյան․ ՏԵՍԱՆՅՈւԹ
Պուտինը և Թրամփը շնորհավորանքներ են փոխանակել մայիսի 9-ի կապակցությամբ
Քաղաքականություն
09.05.2025 | 18:41
ԱՄՆ-ի և Ռուսաստանի նախագահներ Դոնալդ Թրամփը և Վլադիմիր Պուտինը շնորհավորանքներ են փոխանակել Երկրորդ համաշխարհային պատերազմում Հաղթանակի 80-ամյակի կապակցությամբ։ Այս մասին ռուսական «Առաջին ալիք»-ին տված հարցազրույցում ասել է ՌԴ նախագահի օգնական Յուրի Ուշակովը։
«Իրենց օգնականների միջոցով Ռուսաստանի նախագահը և նախագահ Թրամփը շնորհավորանքներ են փոխանակել մեր ընդհանուր տոնի կապակցությամբ»,- ասել է նա։
Շնորհավորանքի բովանդակության մասին հարցին Ուշակովը պատասխանել է. «Ջերմ խոսքեր։ Փոխադարձ շնորհավորանքներ ընդհանուր տոնի, մեծ տոնի կապակցությամբ»։
Ավելի վաղ Թրամփը մայիսի 8-ը ԱՄՆ-ում պաշտոնապես հայտարարել էր Երկրորդ համաշխարհային պատերազմում Հաղթանակի օր։ Մայիսի 9-ին էլ Մոսկվայում ԱՄՆ դեսպանատունը հրապարակել է գրառում, որում դաշնակից ուժերի հաղթանակը նացիստների նկատմամբ անվանել է «համատեղ հաղթանակ»։
Մոսկվայում զորահանդեսի ժամանակ ունեցած ելույթում Պուտինը նշել է, թե «Երկրորդ համաշխարհային պատերազմի արդյունքը որոշվել է խորհրդային զինվորների կողմից։ Նա ասել է, թե Ռուսաստանը գնահատում է արևմտյան բանակների և Չինաստանի ներդրումը, բայց «երբեք չի համաձայնի պատմության խեղաթյուրմանը»։
Թարգմանությունը՝ Էմմա Չոբանյանի
