14.12.2025 | 14:02
Մառախուղ, քամու ուժգնացում․ օդի ջերմաստիճանը կնվազի
PicsArt-ը Մոսկվայում արհեստական ինտելեկտի լաբորատորիա կբացի
Հասարակություն
08.10.2018 | 17:44
PicsArt-ը ծրագրում է Մոսկվայում արհեստական ինտելեկտի լաբորատորիա բացել: Այս մասին «Վեդոմոստի»-ին հայտնել է ընկերության գլխավոր տնօրեն Հովհաննես Ավոյանը:
Աղբյուրի փոխանցմամբ՝ ընկերության համահիմնադիր Արտավազդ Մեհրաբյանն ասել է, որ ստարտափը, որը տարիներ առաջ Sequoia Capital հիմնադրամից ներդրումներ է ներգրավել, 2 մլն դոլարի ներդրում կանի և աշխատանքի կընդունի 20 ինժեների:
PicsArt-ը բջջային հավելված է, որը հնարավորություն է ընձեռում խմբագրել լուսանկարները, տարբեր էֆեկտների օգնությամբ նաև տեսանյութեր մշակել, GIF պատկերներ ստեղծել, նկարել, պատրաստի լուսանկարների վրա լրացումներ անել: Այն աշխատում է Android, iOS և Windows հարթակներում։
