17.07.2026 | 10:52
ԱՄՆ-ը հարվածներ է հասցրել Իրանում կամուրջներին, օդանավակայանին, երկաթուղային կայարանին․ զոհեր կան
Պուտինն ընդգծել է Անդրկովկասի և Կենտրոնական Ասիայի ժողովուրդների հսկայական ներդրումը հաղթանակի գործում
Քաղաքականություն
09.05.2025 | 13:11
Մոսկվայի Կարմիր հրապարակում Հաղթանակի 80-ամյակին նվիրված զորահանդեսի ժամանակ ունեցած ելույթում ՌԴ նախագահ Վլադիմիր Պուտինն ընդգծել է Անդրկովկասի և Կենտրոնական Ասիայի ժողովուրդներին, որոնք Երկրորդ համաշխարհային պատերազմի ժամանակ ռազմաճակատին ապահովել են անհրաժեշտ ամեն ինչով։
«Բոլոր հանրապետությունները կրել են պատերազմի ընդհանուր ծանր բեռը։ Կենտրոնական Ասիայի և Անդրկովկասի ժողովուրդների ներդրումը հսկայական էր։ Այստեղից անընդհատ շարժվում էին գնացքներ՝ ռազմաճակատի համար անհրաժեշտ ամեն ինչով։ Այստեղ էին տեղակայված հիվանդանոցները, և հարյուր հազարավոր տարհանվածներ գտան իրենց երկրորդ տունը։ Մենք մեծարում ենք պատերազմի յուրաքանչյուր վետերանին»,- նշել է Պուտինը։
Ինչպես նախորդ երեք տարիներին՝ Վլադիմիր Պուտինը մայիսի 9-ին Կարմիր հրապարակում իր հանդիսավոր ելույթում հիշատակել է Ռուսաստանի կողմից Ուկրաինայի դեմ սկսված պատերազմը, բայց այս անգամ դրա վերաբերյալ միայն մի քանի խոսք է ասել՝ կրկին պատերազմը «հատուկ ռազմական գործողություն» կոչելով։
«Ամբողջ երկիրը, հասարակությունը և ժողովուրդն աջակցում են հատուկ ռազմական գործողության մասնակիցներին։ Մենք հպարտանում ենք նրանց քաջությամբ և վճռականությամբ, ոգու այն ուժով, որը միշտ մեզ միայն հաղթանակ է բերել»,- նշել է Պուտինը՝ հավելելով, որ Ռուսաստանը հիշում է Երկրորդ համաշխարհային պատերազմի դասերը և երբեք չի համաձայնի պատմությունը խեղաթյուրելու փորձերի հետ։
Թարգմանությունը՝ Էմմա Չոբանյանի
