06.12.2025 | 23:56
Կապարակնքել են Գյումրիի Յոթ Վերք եկեղեցու դռները` Փաշինյանի այցից առաջ
Պուշկինի դպրոցում դասադուլ է և ստորագրահավաք․ ուսուցիչները հրաժարականի դիմումներ են գրել․ ՏԵՍԱՆՅՈՒԹ
Հասարակություն
08.05.2025 | 13:00
Երևանի Ալ. Պուշկինի անվան թիվ 8 հիմնական դպրոցում այսօր առավոտվանից ստորագրահավաք է և դասադուլ: Ծնողներն ու սովորողները դեմ են դպրոցի տնօրեն Նատալյա Ստեփանյանի՝ աշխատանքից հեռացմանը:
Թե ինչու է տնօրենը հեռացվել աշխատանքից և ինչ հիմքով, ստորագրահավաքի մասնակիցներն ասում են՝ չգիտեն։ Նրանք պահանջում են, որ Երևանի քաղաքապետարանից և ԿԳՄՍ նախարարությունից ներկայացուցիչներ գան դպրոց:
Ծնողների խոսքով, նոր տնօրենը, որի նշանակման մասին արդեն խոսակցություններ կան, չի համապատասխանում տարիների ավանդույթ ունեցող Պուշկինի դպրոցի պահանջներին: Դպրոցի ուսուցիչներից շատերը Նատալյա Ստեփանյանի՝ աշխատանքից հեռանալուց հետո մասսայաբար ազատման դիմումներ են գրել:
Աննա Բաբաջանյան
