06.04.2026 | 17:12
«Մանչեսթեր Սիթիից» հաստատել են, որ Բերնարդու Սիլվան կհեռանա
Հոկտեմբերի 27-ի գործը գտնվում է ակտիվ նախաքննության փուլում. Աննա Վարդապետյան․ ՏԵՍԱՆՅՈՒԹ
Հասարակություն
08.05.2025 | 12:55
Հոկտեմբերի 27-ի գործը գտնվում է ակտիվ նախաքննության փուլում, այս մասին ԱԺ-ում հայտարարեց ՀՀ գլխավոր դատախազ Աննա Վարդապետյանը՝ պատասխանալով ԱԺ պաշտպանության և անվտանգության մշտական հարցերի հանձնաժողովի նախագահ Անդրանիկ Քոչարյանի դիտարկմանը, թե նա ժամանակ ուներ և կարող էր անդրադառնալ հոկտեմբերի 27-ի գործի անջատված մասին։ Գլխավոր դատախազը վստահեցրեց, որ գործը պատշաճ դատախազական հսկողության ներքո է։
Անդրանիկ Քոչարյանը հետաքրքրվեց, թե հոկտեմբերի 27-ի գործով կարևոր վկա Ալեքսան Հարությունյանին Փարիզից վերադարձնելու միջամտություն արե՞լ են։
Վարդապետյանն արձագանքեց, որ դիտավորյալ չի պատասխանի ոչ մի բովանդակային հարցի, որպեսզի չվնասի քննությանը։
«Մենք, ելնելով նախաքննության շահից, կիսատ տեղեկատվություն չենք հրապարակի, որովհետև հրապարակված կիսատ տեղեկատվությունը թույլ է տալիս հասկանալ, թե հնարավոր ինչ զարգացում կարող է ունենալ, ու անձինք ուղղակի անհետանում են Հայաստանից։ Մենք չենք կարողանում այդ անձանց նկատմամբ հետպանդում իրականացնել։ Դրա համար նմանատիպ քննարկումները վնասում են»,- ասաց Վարդապետյանը՝ ընդգծելով, որ նույնը վերաբերում է նաև Մարտի 1-ի գործին։
Մանրամասները՝ տեսանյութում։
