14.02.2026 | 19:00
Մշակույթը տմբլըտաշ երգ ու պարը չի, դրանից սկսվում է վերելքն ու խաղաղությունը. Հայկ Պետրոսյան. ՏԵՍԱՆՅՈՒԹ
Տարեվերջից Վերին Լարսը 365 օր կգործի, բեռնափոխադրման ծախսերը կհասցվեն մինիմումի․ ՏԿԵ փոխնախարար․ ՏԵՍԱՆՅՈՒԹ
Տնտեսություն
07.05.2025 | 13:45
«Այս տարեվերջին կամ մյուս տարի Վերին Լարսի ճանապարհը, որը շրջանցում է ձյունահյուսավտանգ հատվածը, ամբողջությամբ պատրաստ կլինի, և Վերին Լարսի անցակետը այլևս կգործի տարին 365 կամ 366 օր»,- այս մասին ԱԺ-ում հայտարարեց ՏԿԵ փոխնախարար Արմեն Սիմոնյանը։
Նրա խոսքով՝ դրա հետ կապված ծախսերը, որոնք լրացուցիչ առաջանում են բեռնափոխադրումների ժամանակ, կհասցվեն մինիմումի:
«Այն ճանապարհահատվածը, որը հիմա կառուցվում է վրացական կողմում, ճիշտ է, նախատեսված էր, որ դեռ 2024 թվականի վերջին պետք է ավարտին հասցվեր, ըստ սկզբնական կանխատեսման, բայց հաշվի առնելով քովիդի, լոգիստիկ փոփոխությունների հետ կապված որոշակի խնդիրներ՝ այդ ժամկետը հետաձգվեց։ Լարսի հիմնախնդիրը պայմանավորված է հիմնականում եղանակային պայմաններով՝ նրանով, որ տարվա ընթացքում մինչև երկու ամիս ժամանակահատվածով փակ է լինում: Այդ խնդիրը ոչ միայն Հայաստանի բեռնափոխադրողներին է անհանգստացնում, այլև այդ ուղուց օգտվող այլ երկրների բեռնափոխադրողներին»,- մանրամասնեց նա։
Մանրամասները՝ տեսանյութում։
