03.07.2026 | 01:00
ԱԱ-2026. Իսպանիան վստահ հաղթեց և 1/8 եզրափակիչում է. ՏԵՍԱՆՅՈՒԹ
Չնայած Հայաստանում որոշակի ներքաղաքական անկայունությանը՝ ռուս-հայկական փոխգործակցությունը շարունակվում է. Կարասին
Քաղաքականություն
08.10.2018 | 13:34
Չնայած Հայաստանում որոշակի ներքաղաքական անկայունությանը՝ ռուս-հայկական փոխգործակցությունը կոնկրետ ուղղություններով շարունակվում է: «Իզվեստիա»-ին տված հարցազրույցում այս մասին ասել է ՌԴ ԱԳ փոխնախարար Գրիգորի Կարասինը:
«Հայաստանում քաղաքական փոփոխություններից հետո ռուս-հայկական ինտենսիվ երկխոսությունն ամենաբարձր մակարդակով շարունակվում է: Հաշված ամիսների ընթացքում տեղի է ունեցել վարչապետ Նիկոլ Փաշինյանի հետ ՌԴ նախագահ Վլադիմիր Պուտինի երեք և վարչապետ Դմիտրի Մեդվեդևի հետ երկու հանդիպում: Մեր ղեկավարները մի քանի անգամ հեռախոսազրույց են ունեցել»,- ասել է Կարասինը:
Ռուսաստանցի դիվանագետի խոսքով՝ այս շփումների գլխավոր քաղաքական արդյունքը հաստատվել է ռուս-հայկական գործընկերային հարաբերությունների կուրսը չփոխելու պատրաստակամությամբ՝ ինչպես երկկողմ ձևաչափով, այնպես էլ ԵՏՄ-ի, ՀԱՊԿ-ի, ԱՊՀ-ի շրջանակում համագործակցությամբ:
Անդրադառնալով Հայաստանի նոր իշխանության օրոք արցախյան հակամարտության կարգավորման հեռանկարների մասին հարցին՝ Գրիգորի Կարասինն ընդգծել է, որ միայն մեկ իրական հեռանկար կա՝ խաղաղ բանակցությունների ճանապարհով հակամարտության կարգավորում:
«Որպես ԵԱՀԿ Մինսկի խմբի համանախագահ երկիր՝ Ռուսաստանը սերտորեն համագործակցում է «եռյակի» մյուս անդամների՝ Ֆրանսիայի և ԱՄՆ-ի հետ: Մեր կողմից ձգտում ենք անել հնարավորը՝ նպաստելու համար, որ հակամարտող կողմերը խաղաղ պայմանավորվածություններ ձեռք բերեն»,- ասել է ՌԴ ԱԳ փոխնախարարը՝ հավելելով, որ իրենց դիրքորոշումն անփոփոխ է, ինչի մասին Վլադիմիր Պուտինը հայտնել է երկու երկրների առաջնորդների հետ վերջին հանդիպումների ընթացքում:
