08.10.2026 | 11:11
Արծրուն Մարգարյանի և Վահրամ Խորխոռունու սպանությունների գործերով բացահայտումներ են եղել․ Փաշինյան
Ուկրաինայի ԶՈւ-ն հայտնել է ռուսական 136 ԱԹՍ-ների հարձակման մասին
Քաղաքականություն
06.05.2025 | 14:33
Գիշերը ուկրաինական Խարկովի վրա անօդաչու թռչող սարքերի հարձակումից հետո քաղաքում արձանագրվել է 17 հարված, նախնական տվյալներով՝ տուժածներ կան։ BBC-ի ռուսական ծառայության փոխանցմամբ՝ այս մասին հայտնել է Խարկովի քաղաքապետ Իգոր Տերեխովը:
Տերեխովը նշել է, որ հարձակումը շարունակվել է երկու ժամ, հարվածների թիրախ են դարձել Խարկովի ութ շրջաններից չորսը՝ Շևչենկովսկի, Կիևյան, Խոլոդնոգորսկի և Արդյունաբերական: Քաղաքապետի խոսքով՝ անօդաչու թռչող սարքի հարվածից հետո հրդեհ է բռնկվել քաղաքի խոշորագույն շուկաներից մեկում:
Ուկրաինայի ՆԳՆ-ից հայտնել են, որ Խարկովում հարձակման է ենթարկվել շուկան, որի հետևանքով ուժգին հրդեհ է բռնկվել, տուժել է չորս մարդ:
Իսկ Ուկրաինայի ԶՈՒ-ն հայտնել է ռուսական 136 անօդաչուների գիշերային հարձակման մասին: 54 ռուսական հարվածային անօդաչու թռչող սարքեր խոցվել են, ևս 70-ի տեղորոշումը հնարավոր չի եղել՝ առանց բացասական հետևանքների, նշվում է հաղորդագրությունում:
Հարձակումների թիրախում են եղել Խարկովի, Օդեսայի և Դնեպրոպետրովսկի մարզերը:
