06.12.2025 | 10:53
Արտարժույթների փոխարժեքները՝ դեկտեմբերի 6-ի դրությամբ
Թուրքիայի գլխավոր ընդդիմադիր կուսակցության ղեկավարը հարձակման է ենթարկվել. հարձակվողը ձերբակալվել է
Քաղաքականություն
05.05.2025 | 23:29
Թուրքիայի գլխավոր ընդդիմադիր Ժողովրդահանրապետական կուսակցության (CHP) առաջնորդ Օզգյուր Օզելը կիրակի հարձակման է ենթարկվել Ստամբուլում մահացած քրդամետ քաղաքական գործիչ Սըրը Սուրեյա Օների հուղարկավորությանը մասնակցելուց հետո։ Թուրքական լրատվամիջոցների ցուցադրած կադրերում երևում է, թե ինչպես է մի տղամարդ մոտենում Օզելին, երբ նա դուրս էր գալիս Ստամբուլի կենտրոնում գտնվող Աթաթուրքի մշակութային կենտրոնից, և ապտակում նրան։ Նա չի տուժել, սակայն երևում է, թե ինչպես է բռնել գլուխը՝ մինչ անվտանգության աշխատակիցները պաշտպանում են հետագա հարձակումից։
Օզելը ներկա է եղել քրդամետ «Ժողովրդական հավասարություն և ժողովրդավարություն» կուսակցության (DEM) պատգամավոր Սըրրի Սուրեյա Օնդերի հուղարկավորությանը, որը խորհրդարանի փոխխոսնակն էր։ Օնդերը մահացել է ապրիլի 15-ին սրտի կանգից՝ սրտի վիրահատությունից երկուսուկես շաբաթ անց։
Ստամբուլի գլխավոր դատախազությունը հայտնել է, որ հարձակվողը ձերբակալվել է։ Ներքին գործերի նախարարությունն ավելի ուշ հայտնել է, որ հարձակվողը 66-ամյա Ս.Թ.-ն՝Սելջուկ Թենգիօղլուն է, որը դատապարտվել էր ցմահ ազատազրկման և 2020 թվականին պայմանական վաղաժամկետ ազատ արձակվել: Նախարարությունը հայտնել է, որ Ս.Թ.-ն 2004 թվականին սպանել է իր երկու երեխաներին ու վիրավորել ևս երկուսին, և որ նա քրեական անցյալ ունի նաև գողության և սպառնալիքների համար։
Թուրքական լրատվամիջոցները հայտնում են, որ Ֆինանսական հանցագործությունների հետաքննության հանձնաժողովը (MASAK) պահանջել է զեկույց այն կասկածյալի գրառումների և հաշիվների շարժի վերաբերյալ։ Ստամբուլի գլխավոր դատախազության կողմից հարձակումից հետո սկսված հետաքննության շրջանակում, Տեղեկատվական տեխնոլոգիաների և հաղորդակցության վարչությունից (BTK) և MASAK-ից հարցում է ստացվել կասկածյալի HTS գրառումների և հաշիվների շարժի վերաբերյալ։
«Կասկածյալի կալանքի ժամկետը երկարաձգվել է մեկ օրով՝ հետաքննության խորացման համատեքստում: Զարգացումների վերաբերյալ կտրամադրվի տեղեկատվություն»,- հայտնել է դատախազությունը։
Օզելի վրա հարձակումը դատապարտվել են քաղաքական բոլոր շրջանակները: Թուրքիայի նախագահ Ռեջեփ Թայիփ Էրդողանը զանգահարել է Օզելին և նրան շուտափույթ ապաքինում մաղթել։
Թարգմանությունը՝ Էմմա Չոբանյանի
