Իսրայելի անվտանգության կաբինետը հաստատել է Գազայի տարածքի օկուպացման ընդլայնված պլանը

Լուրեր

19.11.2026 | 15:21
Բաքուն արդարացրել է հայ գերիների շինծու դատավճիռները և Ֆրանսիային կոչ արել «զերծ մնալ Ադրբեջանի ներքին գործերին միջամտելուց»
19.11.2026 | 15:10
Փաշինյանը՝ իր հրաժարականի պայմանի մասին // Հայաստանը հրավիրվել է G20-ի գագաթնաժողովին․ ԼՈՒՐԵՐ
19.11.2026 | 15:04
Աթենքի Ակրոպոլիսի թանգարանում կբացվի «Հին Հայաստան» ցուցահանդեսը․ կներկայացվի ավելի քան 200 ցուցանմուշ
19.11.2026 | 14:55
Սի Ցզինպինը միջուկային զենքից զերծ աշխարհի կոչ է արել
19.11.2026 | 14:47
Թրամփը հայտարարել է, որ երեք առաջնորդները կանդրադառնան «աշխարհում քննարկվող բոլոր խնդիրներին», նաև Ուկրաինայի պատերազմին
19.11.2026 | 14:45
Ամերիկյան AECOM-ը ներկայացրել է ԹՐԻՓՓ-ի երկաթուղու ինժեներական ուսումնասիրության նախնական արդյունքները․ ռուսական կողմի հետ բանակցությունները շարունակվում են
19.11.2026 | 14:38
Աշխարհի ու Եվրոպայի չեմպիոն Խուան Մատան ավարտել է կարիերան
19.11.2026 | 14:30
Բաքուն Հայաստանից ավելի քան 200 զանգվածային գերեզմանների վերաբերյալ տեղեկություններ է ակնկալում․ Հաջիև
19.11.2026 | 14:22
Արցախի և Հայաստանի միավորման քաղաքական օրակարգ չկա, որովհետև Արցախում հայեր չեն ապրում․ Վարդանյան․ ՏԵՍԱՆՅՈՒԹ
19.11.2026 | 14:21
Թրամփի, Սի Ցզինպինի և Պուտինի միջև բանակցություններն ավարտվել են․ հանդիպումը 1,5 ժամ է տևել
19.11.2026 | 14:14
Երևանում կասեցվել է «Սիթի» ընկերության հացի արտադրամասի գործունեությունը․ հայտնաբերվել են սանիտարական խախտումներ
19.11.2026 | 14:05
Պուտինը հայտարարել է, որ ՌԴ-ն, ԱՄՆ-ն ու Չինաստանն «ընդհանուր շահեր» ունեն, այդ թվում՝ Ուկրաինայում հակամարտության հարցում
19.11.2026 | 13:54
Ժաննա Անդրեասյանն այցելել է Ծիծեռնակաբերդ․ բարեկարգման աշխատանքներն ընթանում են ըստ ժամանակացույցի
19.11.2026 | 13:46
Պենտագոնի պաշտոնյան վաղաժամ լքել է Ուկրաինայի պաշտպանության հարցերով հանդիպումը՝ Կիևին քննադատելուց հետո
19.11.2026 | 13:37
Չե՛նք հանդուրժելու, զբաղվե՛ք․ Աղաջանյանը Էդգար Ղազարյանի հարցով դիմեց ընդդիմադիրներին․ ՏԵՍԱՆՅՈՒԹ
Բոլորը

Իսրայելի անվտանգության կաբինետը կիրակի քվեարկել է Գազայում ռազմական գործողություններն ընդլայնելու և օգնության մատակարարման նոր շրջանակ ստեղծելու օգտին։ Այս մասին հայտնում է CNN-ը՝ վկայակոչելով երկու իսրայելցի պաշտոնյաների։

Քվեարկությունը տեղի է ունեցել մի քանի ժամ անց այն բանից հետո, երբ զինվորականները հայտարարել են, որ կմոբիլիզացնեն տասնյակ հազարավոր պահեստազորայինների՝ ամրապնդելով պաշարված պաղեստինյան տարածքում գործելու իրենց կարողությունները։

Իսրայելցի պաշտոնյաներից մեկը նշել է, որ Գազայում Իսրայելի պատերազմի նոր ծրագիրը ներառում է «տարածքների նվաճումը և այնտեղ մնալը»։ Պաշտոնյան ասել է, որ իսրայելական զինվորականները պաղեստինյան բնակչությանը կտեղափոխեն հարավային Գազա՝ միաժամանակ «հզոր հարվածներ» հասցնելով ՀԱՄԱՍ-ին։

Մարտի կեսերից ի վեր, երբ Իսրայելը սկսել է մահացու հարվածների ալիքը՝ խախտելով գրեթե երկու ամիս գործող հրադադարը, Գազայում սպանվել է ավելի քան 2400 պաղեստինցի։ Պաղեստինի առողջապահության նախարարության տվյալներով՝ պատերազմի սկսվելուց ի վեր Գազայում սպանվել է ավելի քան 52,000 պաղեստինցի։

Պաշտոնյաները հայտնել են, որ մարտական ​​գործողությունների ընդլայնումը կլինի աստիճանական՝ հնարավորություն տալով նորացված հրադադարի և պատանդների ազատ արձակման համաձայնագրի գործարքի՝ մինչև ԱՄՆ նախագահ Դոնալդ Թրամփի՝ մայիսի կեսերին տարածաշրջան այցը: Նախատեսվում է, որ հաջորդ շաբաթ Թրամփն այցելելու է Սաուդյան Արաբիա, ԱՄԷ և Կատար, սակայն ներկայում Իսրայելում կանգառ չի նախատեսվում։

Աղբյուրի փոխանցմամբ՝ կաբինետը նաև քննարկել է Գազա օգնության մատակարարումների վերսկսման թույլտվությունը՝ նոր շրջանակի համաձայն, որը հաստատվել է, բայց դեռևս չի իրականացվել։

Իսրայելի կողմից Գազա մտնող մարդասիրական օգնության շրջափակումը տևում է արդեն ինը շաբաթ։ Իսրայելի հանրային հեռարձակող Kan 11-ը հայտնում է, որ կիրակի օգնության մատակարարումների վերսկսման շուրջ հանդիպման ժամանակ բախում է տեղի ունեցել, որի ժամանակ կաբինետի երկու ծայրահեղ աջ անդամներ՝ ազգային անվտանգության նախարար Իտամար Բեն Գվիրը և բնակավայրերի նախարար Օրիտ Ստրուկը, դեմ են արտահայտվել օգնության վերսկսմանը, իսկ Իսրայելի պաշտպանության ուժերի շտաբի պետ, գեներալ-լեյտենանտ Էյալ Զամիրը պնդել  է, որ Իսրայելը պարտավոր է նպաստել դրան՝ միջազգային իրավունքի համաձայն։ Աղբյուրի փոխանցմամբ՝ օգնության շուրջ վեճերի մասին իսրայելական լրատվամիջոցների հաղորդագրությունները «սխալ չեն»։

Իսրայելը հայտարարել է, որ դադարեցրել է մարդասիրական օգնության մուտքը Գազա՝ ՀԱՄԱՍ-ի վրա ճնշում գործադրելու նպատակով՝ պատանդներին ազատ արձակելու համար: Սակայն միջազգային կազմակերպությունները պնդում են, որ Իսրայելի գործողությունները խախտում են միջազգային իրավունքը և վտանգում մարդածին սովի առաջացումը, որոշները մեղադրում են Իսրայելին սովը որպես պատերազմի զենք օգտագործելու մեջ, որը ռազմական հանցագործություն է։

Իսրայելական աղբյուրը և Պետքարտուղարության պաշտոնյան CNN-ին հայտնել են, որ Միացյալ Նահանգները և Իսրայելը քննարկում են Գազային օգնություն տրամադրելու մեխանիզմ, որը շրջանցում է ՀԱՄԱՍ-ը։ Պաշտոնյան ասել է, որ հայտարարությունը կարող է արվել «առաջիկա օրերին»:

Ըստ Պետքարտուղարության ներկայացուցչի՝ մշակվող մատակարարման մեխանիզմը նախատեսված է օգնությունը պաղեստինյան բնակչությանը հասցնելու համար՝ այնպիսի երաշխիքներով, որոնք կապահովեն, որ այն չուղղվի ՀԱՄԱՍ-ին կամ «Իսլամական ջիհադ»-ին։ Նա նշել է, որ անանուն մասնավոր հիմնադրամը կկառավարի օգնության մեխանիզմը և մարդասիրական պարագաների մատակարարումը Գազա։

ԱՄՆ-ն ակնկալում է, որ ՄԱԿ-ը և միջազգային օգնության կազմակերպությունները կաշխատեն հիմնադրամի մեխանիզմի շրջանակում՝ ապահովելու, որ պարագաները չհասնեն ՀԱՄԱՍ-ին։

Թարգմանությունը՝ Էմմա Չոբանյանի