08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Նիդերլանդների դեսպանը շնորհավորել է Մամուլի ազատության համաշխարհային ինդեքսում Հայաստանի դիրքի բարելավման համար
Քաղաքականություն
03.05.2025 | 14:07
Մամուլի ազատության համաշխարհային օրվա առթիվ Հայաստանում Նիդերլանդների Թագավորության դեսպան Մարիկե Մոնրոյ-Վինթերը հյուրընկալել է մեդիայի և հաղորդակցության գործընկեր կազմակերպություններին, լրագրողներին՝ մասնագիտական տոնը շնորհավորելու և ոլորտի հարցեր քննարկելու համար․ հայտնում են դեսպանությունից։
«Դեսպանը նշեց, որ շնորհավորելու ևս մեկ առիթ է Հայաստանի դիրքի նշանակալի բարելավումը նախօրեին հրապարակված մամուլի ազատության համաշխարհային վարկանիշում` 43-րդ տեղից 34-ը:
Նա շեշտեց, որ դժվարություններն առիթ են դառնում նորարարություններ և ստեղծագործական լուծումներ գտնելու համար և մաղթեց ամուր առողջություն, նվիրված լսարան, հետաքրքիր հերոսներ և հուսալի աղբյուրներ։
Այս խորհրդանշական օրը դեսպանատունը նաև պայմանագրեր կնքեց «Հետք» հետաքննող լրագրողների կազմակերպության և «Անտիֆոսֆորուս» տելեգրամ ալիքի հետ: Դեսպանատան ֆինանսավորմամբ մեկ այլ՝ «Բացատրելով ժողովրդավարությունը» նախագծով Հայաստանի 15 լրագրողներ շուտով վերապատրաստման և բազմաժանր նյութեր թողարկելու հնարավորություն կունենան։
Նիդերլանդների կառավարությունը շարունակելու է իր աջակցությունը ազատ և որակյալ մեդիայի զարգացմանը Հայաստանում և աշխարհում»,- ասված է հաղորդագրությունում։
