18.12.2025 | 18:56
Միրզոյանը Շեկերինսկայի հետ քննարկել է ՀՀ–ՆԱՏՕ համագործակցության խորացումն ու նոր գործընկերային օրակարգը
Նիկոլ Փաշինյանը նախարարություններում ներկայացնում է նորանշանակ նախարարներին
Քաղաքականություն
08.10.2018 | 10:16
«Գնում եմ էներգետիկայի նոր նախարարին ներկայացնելու»,- ֆեյսբուքի իր էջում գրառել է ՀՀ վարչապետ Նիկոլ Փաշինյանը, ապա քիչ այց նոր գրառում կատարել. «Ներկայացնում եմ ԱԻ նոր նախարարին»:
Հիշեցնենք, որ շուրջ մեկ շաբաթ առաջ ՀՀ վարչապետը երեկոյան հրավիրված արտահերթ նիստի ընթացքում «ԱԺ կանոնակարգ օրենքում փոփոխություններ կատարելու մասին» սկանդալային նախագծի ընդունումից հետո աշխատանքից ազատելու որոշում ներկայացրեց ՀՀ նախագահին: Նույն օրը ՀՀ նախագահ Արմեն Սարգսյանի հրամանագրով աշխատանքից ազատվեցին 6 նախարարներ. տրանսպորտի, կապի և տեղեկատվական տեխնոլոգիաների նախարար Աշոտ Հակոբյանը (ԲՀԿ), սպորտի և երիտասարդության հարցերի նախարար Լևոն Վահրադյանը (ԲՀԿ), արտակարգ իրավիճակների նախարար Հրաչյա Ռոստոմյանը (ԲՀԿ), էներգետիկ ենթակառուցվածքների և բնական պաշարների նախարար Արթուր Գրիգորյանը (ԲՀԿ), գյուղատնտեսության նախարար Արթուր Խաչատրյանը (ՀՅԴ) և տնտեսական զարգացման և ներդրումների նախարար Արծվիկ Մինասյանը (ՀՅԴ)։
ՀՀ նախագահի մեկ այլ հրամնագրով նոր նախարարներ նշանակվեցին.
Ֆելիքս Ցոլակյանը նշանակվել է արտակարգ իրավիճակների նախարար,
Հակոբ Արշակյանը նշանակվել է տրանսպորտի, կապի և տեղեկատվական տեխնոլոգիաների նախարար,
Գարեգին Բաղրամյանը նշանակվել է էներգետիկ ենթակառուցվածքների և բնական պաշարների նախարար:
Առայժմ թափուր է նախարարական 3 պորտֆել:
,
