29.04.2026 | 23:06
Վանաձորում կանխվել է սպանության փորձ, ձերբակալվել է զինված խումբ. ՆԳՆ
Ադրբեջանում բանտարկված կրոնական գործիչը հացադուլ է սկսել՝ ի նշան Բաքու Նեթանյահուի այցի դեմ բողոքի
Քաղաքականություն
02.05.2025 | 23:02
Ադրբեջանում բանտարկված հայտնի կրոնական գործիչ, աստվածաբան, «Մահմեդական միասնություն շարժման» ղեկավար Թալեհ Բաղիրզադեն հացադուլ է սկսել՝ ի նշան Իսրայելի վարչապետ Բենիամին Նեթանյահուի Բաքու կատարելիք այցի դեմ բողոքի։ Աստվածաբանը նաև կոչ է արել բոլորին բողոքի ցույցի դուրս գալ։
Ադրբեջանական լարտվամիջոցները հայտնում են, որ գործիչը տեղափոխվել է պատժախուց։ Այսօր առավոտյան բանտի վարչակազմը հանդիպել է նրա հետ և խնդրել դադարեցնել հացադուլը, սակայն Բաղիրզադեն ասել է, որ շարունակելու է բողոքել մանկասպանի և մարդկության դեմ անթիվ հանցագործություններ կատարած անձի՝ իր երկիր ժամանման դեմ։ Դրանից հետո բանտի վարչակազմը հրամայել է նրան տեղավորել պատժախուց։
Նարդարանի իրադարձությունների ժամանակ ձերբակալված Թալեհ Բաղիրզադեն բանտում է գրեթե 10 տարի։ Պետական հեղաշրջման փորձի, զենքի և զինամթերքի պահման, ինչպես նաև կանխամտածված սպանության մեջ մեղադրվող աստվածաբանը դատապարտվել է 20 տարվա ազատազրկման։ Նա հերքում է մեղադրանքները և պնդում, որ ձերբակալվել է քաղաքական պատվերով։
Ըստ իսրայելական լրատվամիջոցների՝ Նեթանյահուն այցով Ադրբեջան է ժամանելու մայիսի 7-ին։ Նրա այցը տևելու է մինչև մայիսի 11-ը։ Մայիսի 8-ին նախատեսվում է Նեթանյահուի հանդիպումն Ադրբեջանի նախագահ Իլհամ Ալիևի և հրեական համայնքի հետ։
Թարգմանությունը՝ Էմմա Չոբանյանի
