08.10.2026 | 10:22
Երևան–Սևան ճանապարհին միկրոավտոբուս է կողաշրջվել․ 8 տուժած կա
Ղրիմը ԱԹՍ-ների զարգվածային հարձակման է ենթարկվել․ ռազմական օդանավակայանի մերձակա գյուղում հրդեհ է բռնկվել․ ՏԵՍԱՆՅՈՒԹ
Քաղաքականություն
02.05.2025 | 14:16
ՌԴ-ի կողմից բռնակցված Ղրիմը մայիսի լույս 2-ի գիշերը ենթարկվել է ԱԹՍ-ների զանգվածային հարձակման։ Ռուսաստանի պաշտպանության նախարարության տվյալներով՝ ՀՕՊ համակարգերը թերակղզու վրայով ոչնչացրել են 89 անօդաչու թռչող սարք, ևս 23-ը՝ Սև ծովի վրայով։
Astra տելեգրամ ալիքի փոխանցմամբ՝ Ուգլովոյե գյուղում, որը գտնվում է «Կաչա» ռուսական ռազմական օդանավակայանից յոթ կիլոմետր հեռավորության վրա, խոշոր հրդեհ է բռնկվել։
«Ղրիմյան քամի» հանրային մոնիթորինգի խումբը, հղում անելով արբանյակային լուսանկարներին, պնդում է, որ Ուգլովոյե գյուղն այրվում է, 2 ժամվա ընթացքում հրդեհի օջախն ու տարածքը մի քանի անգամ ավելացել են։
Բռնակցված Ղրիմի իշխանությունները չեն հայտնել ռազմական օբյեկտի ոչնչացման մասին։
Բռնակցված Սևաստոպոլի նահանգապետ Միխայիլ Ռազվոժաևը հայտարարել է 50 անօդաչու թռչող սարքերի և մի քանի ծովային անօդաչու թռչող սարքերի ոչնչացման մասին։ Նրա խոսքով՝ բոլոր անօդաչու թռչող սարքերը խոցվել են ծովի վրայով, ավերվածություններ չկան։
«Կաչա»-ն գտնվում է Սևաստոպոլի հյուսիսային ծայրամասում։ Ներկայում օդանավակայանը պատկանում է Ռուսաստանի Սևծովյան նավատորմին, օդանավակայանը շահագործում է Ռուսաստանի Սևծովյան նավատորմի 318-րդ առանձին խառը ավիացիոն գունդը, իսկ օդանավակայանում տեղակայված են Ան-26, Բե-12 ինքնաթիռներ և Կա-27 ուղղաթիռներ։
Ուկրաինան դեռևս չի մեկնաբանել Ղրիմի վրա ԱԹՍ-ներով հարձակումը։
Թարգմանությունը՝ Էմմա Չոբանյանի
