02.08.2026 | 14:04
Ալեն Սիմոնյանն ու Արարատ Միրզոյանը ձեր դեմ փոքրիկ ձկներ են, դուք ՔՊ-ի «սպրուտն» եք․ Մեսրոպ Մանուկյան՝ Ռուբինյանին․ ՏԵՍԱՆՅՈւԹ
Ծանրորդ Ալեքսանդրա Գրիգորյանը դարձել է երիտասարդների աշխարհի առաջնության բրոնզե մեդալակիր
02.05.2025 | 10:20
Հայաստանի ծանրամարտի երիտասարդական հավաքականն առաջին մեդալն է նվաճել աշխարհի առաջնությունում:
Ինչպես հայտնում է Հայաստանի ծանրամարտի ֆեդերացիայի մամուլի ծառայությունը, Պերուի մայրաքաղաք Լիմայում շարունակվող ծանրամարտի պատանիների և երիտասարդների աշխարհի առաջնության կանանց 55 կգ քաշային կարգում Ալեքսանդրա Գրիգորյանը պոկում վարժությունում գլխավերևում պահել է 85 կգ ու 88 կգ: Հրում վարժությունում Ալեքսանդրան բարձրացրել է 116 կգ: Այս վարժությունում նա նվաճել է ոսկե մեդալ: Երկամարտի 204 կգ արդյունքով Ալեքսանդրա Գրիգորյանը երիտասարդների աշխարհի առաջնության բրոնզե մեդալակիր է:
Հայաստանի երիտասարդական հավաքականի անդամ Հովհաննես Հովհաննիսյանն աշխարհի առաջնության պոկում վարժությունում բարձրացրել է 125 կգ և հրել է 155 կգ: Երկամարտի 280 կգ արդյունքով Հովհաննես Հովհաննիսյանը 10-րդն է երիտասարդների աշխարհի առաջնությունում:
