02.08.2026 | 10:58
Կաթողիկոսը կարող էր գալ, դեմը ոչ մեկ չէր կարող առնել. Կնվազ Հասանովը` Վարդևանյանին․ ՏԵՍԱՆՅՈւԹ
Աշխատողներին թիվն ավելացել է, պետական կազմակերպությունների թիվը՝ կրճատվել
Տնտեսություն
01.05.2025 | 21:35
ՀՀ վարչապետ Նիկոլ Փաշինյանն օրերս կառավարության նիստում հայտարարեց, որ 2025-ի մարտին արձանագրվել է 782,100 աշխատատեղ, ինչը նախորդ տարվա մարտի համեմատ ավելի է 41 հազարով։
Վիճակագրական կոմիտեի հրապարակած տվյալների համաձայն՝ վերջին 7 տարում ավելացել է ոչ միայն մասնավոր կազմակերպություններում աշխատողների, այլև պետական հատվածում աշխատողների թիվը, համապատասխանաբար՝ 188,638-ով և 19,150-ով (ՀՀ վիճակագրական կոմիտեն պետական և մասնավոր հատվածի աշխատողների թիվը հրապարակել է հունվարի դրությամբ)։
Հայաստանում գրանցված կազմակերպությունները և աշխատողները by Factor tv
Մինչդեռ, 2018 թվականին իշխանության գալուց հետո Նիկոլ Փաշինյանը հայտարարում էր կառավարման ուռճացած համակարգը կրճատելու, «հորքուր, մորքուր, խնամի, ծանոթ, բարեկամ, ընտրությունների վստահված անձ»-երից ազատելու մասին։
Ուշագրավ է, որ ՀՀ-ում գրանցված պետական կազմակերպությունների քանակական կրճատում այս 7 տարիների ընթացքում, իրոք, եղել է՝ 530-ով։
Ստացվում է՝ պետական ապարատի օպտիմալացումը միայն հիմնարկների անուններով՝ «թղթերով» է եղել, իսկ «հորքուր, մորքուր, խնամի, ծանոթ, բարեկամ, ընտրությունների վստահված անձ» բնորոշված խումբը շարունակում է աշխատել և ավելանալ նույն պետական համակարգում։
Գայանե Խաչատրյան
