Իսրայելը հայտարարել է, որ հարվածներ է հասցրել Սիրիային՝ դրուզներին պաշտպանելու համար․ զոհեր կան

Լուրեր

19.11.2026 | 15:30
Վազգեն Սարգսյանի անվան ռազմական ակադեմիայի կուրսանտները մասնակցել են Չինաստանում անցկացված միջազգային ծրագրին
19.11.2026 | 15:21
Բաքուն արդարացրել է հայ գերիների շինծու դատավճիռները և Ֆրանսիային կոչ արել «զերծ մնալ Ադրբեջանի ներքին գործերին միջամտելուց»
19.11.2026 | 15:10
Փաշինյանը՝ իր հրաժարականի պայմանի մասին // Հայաստանը հրավիրվել է G20-ի գագաթնաժողովին․ ԼՈՒՐԵՐ
19.11.2026 | 15:04
Աթենքի Ակրոպոլիսի թանգարանում կբացվի «Հին Հայաստան» ցուցահանդեսը․ կներկայացվի ավելի քան 200 ցուցանմուշ
19.11.2026 | 14:55
Սի Ցզինպինը միջուկային զենքից զերծ աշխարհի կոչ է արել
19.11.2026 | 14:47
Թրամփը հայտարարել է, որ երեք առաջնորդները կանդրադառնան «աշխարհում քննարկվող բոլոր խնդիրներին», նաև Ուկրաինայի պատերազմին
19.11.2026 | 14:45
Ամերիկյան AECOM-ը ներկայացրել է ԹՐԻՓՓ-ի երկաթուղու ինժեներական ուսումնասիրության նախնական արդյունքները․ ՀՀ-ՌԴ բանակցությունները շարունակվում են
19.11.2026 | 14:38
Աշխարհի ու Եվրոպայի չեմպիոն Խուան Մատան ավարտել է կարիերան
19.11.2026 | 14:30
Բաքուն Հայաստանից ավելի քան 200 զանգվածային գերեզմանների վերաբերյալ տեղեկություններ է ակնկալում․ Հաջիև
19.11.2026 | 14:22
Արցախի և Հայաստանի միավորման քաղաքական օրակարգ չկա, որովհետև Արցախում հայեր չեն ապրում․ Վարդանյան․ ՏԵՍԱՆՅՈՒԹ
19.11.2026 | 14:21
Թրամփի, Սի Ցզինպինի և Պուտինի միջև բանակցություններն ավարտվել են․ հանդիպումը 1,5 ժամ է տևել
19.11.2026 | 14:14
Երևանում կասեցվել է «Սիթի» ընկերության հացի արտադրամասի գործունեությունը․ հայտնաբերվել են սանիտարական խախտումներ
19.11.2026 | 14:05
Պուտինը հայտարարել է, որ ՌԴ-ն, ԱՄՆ-ն ու Չինաստանն «ընդհանուր շահեր» ունեն, այդ թվում՝ Ուկրաինայում հակամարտության հարցում
19.11.2026 | 13:54
Ժաննա Անդրեասյանն այցելել է Ծիծեռնակաբերդ․ բարեկարգման աշխատանքներն ընթանում են ըստ ժամանակացույցի
19.11.2026 | 13:46
Պենտագոնի պաշտոնյան վաղաժամ լքել է Ուկրաինայի պաշտպանության հարցերով հանդիպումը՝ Կիևին քննադատելուց հետո
Բոլորը

Իսրայելը հարվածներ է հասցրել Սիրիային՝ որպես «զգուշացում» դրուզ փոքրամասնության վրա հարձակումների դեմ։ Սա ռազմական միջամտություն է, որը տեղի է ունեցել Դամասկոսի մոտակայքում կրոնական բախումների տարածմանը զուգընթաց, որոնց հետևանքով զոհվել է 13 մարդ, գրում է France 24-ը։

Լրատվամիջոցը նշում է, որ կրոնական բռնությունը և Իսրայելի միջամտությունը հսկայական մարտահրավերներ են Սիրիայի իսլամիստական ​​իշխանությունների համար, որոնք դեկտեմբերին տապալել են երկրի երկարամյա ղեկավար Բաշար Ասադին։

Իսրայելի վարչապետ Բենիամին Նեթանյահուն հայտարարել է, որ Իսրայելը «կանխարգելիչ գործողություն է իրականացրել և հարվածել է Սահնայայում դրուզ բնակչության վրա հարձակվել պատրաստվող ծայրահեղական խմբին»։ Սիրիայի մայրաքաղաքից հարավ-արևմուտք գտնվող Սահնայա քաղաքում, որտեղ բնակվում են դրուզ և քրիստոնյա փոքրամասնություններ, գիշերը տեղի են ունեցել մահացու կրոնական բախումներ։

Իսրայելը նախկինում զգուշացրել էր Սիրիայի իսլամիստ ղեկավարներին՝ չվնասել դրուզներին, որոնք կազմում են Սիրիայի բնակչության մոտ երեք տոկոսը։

«Սիրիական ռեժիմին խիստ ուղերձ է հղվել. Իսրայելն ակնկալում է, որ նրանք կգործեն՝ կանխելու դրուզ համայնքին հնարավոր վնասները»,- ասվում է Նեթանյահուի գրասենյակի հայտարարության մեջ։

Սիրիական պետական ​​SANA լրատվական գործակալությունը, հղում անելով Առողջապահության նախարարությանը, հայտնել է, որ գիշերը Սահնայա շրջանում «անօրինական խմբավորումների կողմից քաղաքացիական անձանց և անվտանգության ուժերի թիրախավորոյւմից հետո» զոհվել է 11 մարդ, անհայտ թվով մարդիկ վիրավորվել են։

Սիրիայի մարդու իրավունքների դիտորդական կենտրոնը հայտնել է, որ Սահնայայում «իշխանությունների հետ կապված զինված անձանց և տեղական դրուզ զինյալների միջև բախումների ժամանակ զոհվել է երկու տեղացի զինյալ»։ Նախորդ գիշերը Ջարամանայում, որը հիմնականում դրուզ և քրիստոնյա բնակչություն ունեցող արվարձան է մայրաքաղաքից հարավ-արևելք, սպանվել է 17 մարդ, այդ թվում՝ ութ դրուզ զինյալ և ինը զինված անձ, որոնք կապված էին իշխանությունների հետ։

Բռնությունը սկսվել է դրուզ քաղաքացու վերագրվող և հայհոյանք համարվող աուդիոձայնագրության տարածումից։ Սիրիայի նոր իսլամիստական ​​իշխանությունները, որոնք արմատներ ունեն «Ալ-Քաիդա» ջիհադիստական ​​ցանցում, խոստացել են բազմադավանական, բազմազգ երկրում ներառական կառավարում, սակայն պետք է նաև դիմակայեն իրենց շարքերում արմատական ​​իսլամիստների ճնշումներին։

Իսրայելը, որը Սիրիայի նոր ուժերին համարում է ջիհադիստներ, Ասադի անկումից և ցամաքային ներխուժումներից հետո հարյուրավոր հարվածներ է հասցրել Սիրիայի ռազմական օբյեկտներին՝ ուժերը իր սահմանից հեռու պահելու համար։ Այն նաև զորքեր է ուղարկել Իսրայելի կողմից բռնակցված սիրիական Գոլանի բարձունքների ապառազմականացված անվտանգության գոտի և աջակցություն հայտնել Սիրիայի դրուզներին։ Դրուզները հիմնականում բաժանված են Լիբանանի, Իսրայելի և Սիրիայի միջև։

Սիրիայի հիմնական աջակից Թուրքիան մեղադրել է Իսրայելին պառակտումներ հրահրելու և փոքրամասնություններին Դամասկոսի դեմ տրամադրելու մեջ։ Հղում անելով անվտանգության աղբյուրին՝ SANA-ն հայտնել է, որ Սահնայայի «անօրինական խմբերը» գիշերը հարձակվել են անցակետի վրա, մինչդեռ այլ խմբեր կրակ են բացել մեքենաների վրա։

Տեղեկատվության նախարարության ներկայացուցիչ Ալի ալ-Ռիֆային լրագրողներին ասել է, որ զոհվածների թվում են  անվտանգության ծառայությունների 5 աշխատակիցներ, որոնք «դիպուկահարների» կրակի թիրախ են դարձել։ Նա հավելել է, որ հարձակման ենթարկված մեքենայում եղել է ևս վեց մարդ՝ հարավային Դարաա նահանգից։

Ասադի տապալումից հետո զինված խմբավորումները լուծարվեցին և ինտեգրվեցին Պաշտպանության նախարարությանը։ Ջարամանայում հանգստությունը վերադարձել է, քանի որ Սիրիայի կառավարությունը խոստացել է դրուզ առաջնորդներին, որ բռնության համար պատասխանատուները կկանգնեն արդարադատության առաջ։

AFP-ի լուսանկարիչը հայտնել է, որ չորեքշաբթի Ջարամանայից յոթ զինյալների հուղարկավորության ժամանակ սգացողները դրուզների դրոշներ են բարձրացրել:

Միաժամանակ, դրուզների ներկայացուցիչները հայտարարել են միասնական Սիրիային իրենց հավատարմության մասին՝ ի հեճուկս Իսրայելի նախազգուշացումների։

Թարգմանությունը՝ Էմմա Չոբանյանի