08.11.2026 | 21:21
Առատ ձյան պատճառով Գորայք-Մեղրի ճանապարհը փակ է կցորդիչով բեռնատարների համար
Իսրայելի արտգործնախարարը հերքել է Իրանին հարվածելու պատրաստակամության մասին լուրերը
Քաղաքականություն
20.04.2025 | 17:27
Իսրայելի ղեկավարությունը վերջնական որոշում չի կայացրել Իրանի միջուկային օբյեկտներին հարվածներ հասցնելու վերաբերյալ։ Այս մասին ասել է Իսրայելի արտաքին գործերի նախարար Գիդեոն Սաարը բրիտանական The Daily Telegraph թերթին տված հարցազրույցում․ փոխանցում է DW-ն։
Ավելի վաղ միջազգային լրատվամիջոցները, այդ թվում՝ Reuters-ը և ամերիկյան The New York Times թերթը, հաղորդել էին Իսրայելի պաշտպանության բանակի՝ Իրանի միջուկային օբյեկտներին հարվածելու պատրաստակամության մասին՝ հղում անելով աղբյուրներին։ Նրանց խոսքով՝ Միացյալ Նահանգները, իբր, հրաժարվել է աջակցել Իսրայելի այս քայլին։
«Ես Իսրայելի քաղաքական-ռազմական կաբինետի անդամ եմ, բոլոր հանդիպումներին մասնակցում եմ նեղ շրջանակով, և նման որոշում չեմ հիշում», – ասաց Սաարը։ «Ես չեմ կարծում, որ նման որոշում է կայացվել։ Սակայն Իսրայելը հանձնառու է կանխելու Իրանի կողմից միջուկային զենքի ձեռքբերումը։ Եթե այս նպատակին կարելի է հասնել դիվանագիտական ճանապարհով, ապա դա ընդունելի է»։
