05.04.2026 | 21:21
Բախվել են VAZ և KIA մակնիշների ավտոմեքենաները․ կան տուժածներ և զոհ
Պեսկովը հայտարարել է, որ Ուկրաինայի էներգետիկ օբյեկտների վրա հարվածների մորատորիումն ավարտվել է
Քաղաքականություն
18.04.2025 | 16:03
Ռուսաստանն այլևս չի հետևում ուկրաինական էներգետիկ օբյեկտների դեմ հարվածների մորատորիումին։ Այս մասին հայտարարել է Կրեմլի խոսնակ Դմիտրի Պեսկովը, գրում է Meduza-ն։
«Ամիսը, որի ընթացքում գործում էր մորատորիումը, իսկապես լրացել է։ Այս պահին գերագույն գլխավոր հրամանատար, նախագահ [Վլադիմիր] Պուտինից այլ հրահանգներ չեն եղել»,- ասել է նա։
Պեսկովը չի մանրամասնել՝ արդյո՞ք Ռուսաստանի իշխանությունները պլանավորում են ապագայում մորատորիում հայտարարել ուկրաինական էներգետիկ ոլորտի օբյեկտների և ենթակառուցվածների ուղղությամբ հարվածների հետ կապված։
Հիշեցնենք, որ մարտին Ռուսաստանը և Ուկրաինան առանձին համաձայնության էին եկել Միացյալ Նահանգների հետ էներգետիկ օբյեկտների վրա հարձակումները 30 օրով դադարեցնելու վերաբերյալ։ Միևնույն ժամանակ, կողմերը մորատորիումի մեկնարկի տարբեր ամսաթվեր են նշել. Մոսկվայի տվյալներով՝ այն սկսվել է մարտի 18-ին, Կիևի տվյալներով՝ մարտի 25-ին։ Բացի այդ, կողմերն ամսվա ընթացքում պարբերաբար միմյանց մեղադրել են մորատորիումը խախտելու մեջ և հերքել, որ իրենք են այն խախտել։
Թարգմանությունը՝ Էմմա Չոբանյանի
