05.06.2026 | 11:29
Տիրան Խաչատրյանի նկատմամբ հանրային քրեական հետապնդում է հարուցվել
Ջալալ Հարությունյանը պատժի հետ անհամատեղելի հիվանդություն ունի․ փորձաքննություն չի նշանակվել․ պաշտպան․ ՏԵՍԱՆՅՈՒԹ
Հասարակություն
15.04.2025 | 13:14
Պաշտպանության բանակի նախկին հրամանատար Ջալալ Հարությունյանը պատժի հետ անհամատեղելի հիվանդություն ունի, սակայն դատարանը նրա նկատմամբ փորձաքննություն չի նշանակել։ Այս մասին լրագրողների հետ զրույցում ասաց Ջալալ Հարությունյանի փաստաբաններից Էդգար Այվազյանը։
Փաստաբանի խոսքով՝ այն բանից հետո, երբ Հարությունյանի նկատմամբ մեղադրական վերդիկտ է կայացվել, լրացուցիչ դատալսումների փուլում, որտեղ ի թիվս այլ հարցերի նրա պատժի հարցերն են քննարկման առարկա դառնում, իրենք միջնորդել են Հարությունյանի նկատմամբ փորձաքննություն նշանակել, սակայն դատավոր Գարիկ Աբելյանը հրաժարվել է փորձաքննություն իրականացնել միայն այն պատճառաբանությամբ, որ միջնորդությունը չէր կարող այդ փուլում նշանակել։ Մինչդեռ պաշտպանի խոսքով՝ պատիժ կրելու հետ անհամատեղելի հիվանդություն ունենալու հարցը կարող էր հենց լրացուցիչ դատալսումների ընթացքում քննության առարկա դառնալ, քանի որ մինչ այդ քննության առարկա են դառնում միայն վերդիկտ կայացնելու հարցերը՝ անձի մեղավորությունը կամ անմեղությունը հաստատելու համար։
Մանրամասները՝ տեսանյութում։
Արաքս Մամուլյան
