Բաքվում շինծու գործերով նիստում հայերի ցուցմունքներ են հրապարակվել․ շոշափվել են Ռոբերտ Քոչարյանի, Սամվել Բաբայանի անունները

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

Բաքվի զինվորական դատարանում այսօր տեղի է ունեցել Արցախի ղեկավարների ու այլ պաշտոնյաների նկատմամբ հարուցված շինծու գործերով դատական հերթական նիստը։

Ադրբեջանական լրատվամիջոցների հաղորդմամբ՝ դատական ​​նիստի ընթացքում գլխավոր դատախազի ավագ օգնական Վուսալ Ալիևը ներկայացրել է իբրև թե «Հայաստանի կողմից Ադրբեջանի ինքնիշխան տարածքների օկուպացիայի վերաբերյալ նախնական քննության ընթացքում հավաքված փաստաթղթերը, այդ թվում՝ միջադեպի վայրի զննման արձանագրությունները, կից լուսանկարները, տուժածների և վկաների ցուցմունքները, ինչպես նաև՝ փորձագիտական ​​կարծիքները 1990-ականների սկզբին նախնական քննության ընթացքում որպես կասկածյալներ և մեղադրյալներ հարցաքննված հայկական ծագում ունեցող անձանց վերաբերյալ»։

Նշվել է, թե «1988 թվականի սեպտեմբերի 19-ին ԽՍՀՄ գլխավոր դատախազի ավագ օգնական Նիկոլաևի կողմից հարուցվել է քրեական գործ՝ հայերի կողմից տարբեր հանցագործությունների կատարման փաստերի վերաբերյալ»։

ԽՍՀՄ գլխավոր դատախազության կողմից հարուցված քրեական գործով ժամանակին որպես վկա հարցաքննված Արթուր Աբրահամյանի ցուցմունքն է հրապարակվել, ըստ որի՝ Ղարաբաղում հանրահավաքը ղեկավարել են Արկադի Մանուչարովը, Զորի Բալայանը, Հենրիկ Պողոսյանը, Մաքսիմ Բաբայանը, Ռոլես Աղաջանյանը, Վլադիկ Սարգսյանն ու այլ անձինք։ Ցուցմունքում նշվել է, որ Մուրադ Պետրոսյանը և Սերժ Սարգսյանը «զինել են Ղարաբաղում գտնվող հայկական զինված կազմավորումները»։ Ըստ ցուցմունքի՝  ԼՂ ֆինանսական միջոցներ է ուղարկել Հայաստանի Գերագույն խորհրդի փոխնախագահ Վազգեն Մանուկյանը։ «Ռոբերտ Քոչարյանն այս գումարը ստացել է Ադրբեջանի տարածքներում և բաշխել այն զինված կազմավորումներին»,- նշվել է ցուցմունքում։ Գործի նյութերի համաձայն՝ իբրև թե Մուրադ Պետրոսյանը հրամայել է պայթեցնել Շուշի-Ստեփանակերտ մայրուղու 14-րդ կիլոմետրում գտնվող գետի վրայով անցնող կամուրջը։

Վկա Յուրի Ջահանգիրյանն էլ ցուցմունքներում պնդել է՝ «Ռոբերտ Քոչարյանը, աշխատելով որպես «Ղարաբաղի մետաքսի գործարանի» կուսակցական քարտուղար, որպես հայկական ազգայնական «Կռունկ» կազմակերպության ակտիվ անդամ, զբաղվել է ազգայնական ատելության և թշնամանքի քարոզչությամբ՝ ադրբեջանցիների նկատմամբ»։

Դատական ​​նիստը շարունակվել է պետական ​​մեղադրողների կողմից հարցեր ուղղելով։ Արցախի նախկին նախագահ Արկադի Ղուկասյանը դատարանից ժամանակ է խնդրել մինչև հաջորդ նիստը՝ ներկայացված ապացույցների վերաբերյալ հարցերի պատասխանները պատրաստելու համար։ Միջնորդությունը բավարարվել է։

Ըստ ադրբեջանական լրատվամիջոցների՝ Արցախի նախկին նախագահ Արայիկ Հարությունյանն էլ հայտարարել է, որ «1990-ականներին Ռոբերտ Քոչարյանը, Մուրադ Պետրոսյանը, Մանուչարյանը և ուրիշները հանրահավաքների կազմակերպիչներն ու շարժման առաջնորդներն էին, հաստատել Խալֆելիչայ գետի վրայով անցնող կամրջի պայթյունի փաստը»։

Նա հաստատել է «սպանությունների փաստերը, այդ թվում՝ այն դեպքերը, երբ հայերը սպանել են հայերի, այդ թվում՝ կենցաղային և քաղաքական պատճառներով։ Որպես օրինակ նա նշել է բարձրաստիճան պաշտոնյա Վալերի Գրիգորյանի սպանությունը՝ այն կապելով Բաքու կատարած այցի հետ։ Ըստ ադրբեջանական աղբյուրների՝ Հարությունյանը նաև խոսել է Արկադի Ղուկասյանի դեմ մահափորձի մասին, նշելով, որ Սամվել Բաբայանն է եղել պատվիրատուն։

Արցախի ՊԲ-ի նախկին հրամանատար Լևոն Մնացականյանն էլ հարցերին պատասխանելիս ասել է, թե լսել է «Խալֆելիչայի վրայով կամրջի պայթեցման մասին, սակայն նշել է, որ չի շփվել Մուրադ Պետրոսյանի հետ՝ հավելելով, որ վերջինս 2020 թվականին աջակցել է Ստեփանակերտի ցուցարարներին։

Պետական մեղադրող Տարանա Մամեդովան հարցեր է ուղղել Արցախի նախկին նախագահ Բակո Սահակյանին ու Դավիթ Իշխանյանին։ Ըստ ադրբեջանական լրատվամիջոցների՝ Սահակյանը դատապարտել է կամրջի պայթեցումը, Իշխանյան էլ  նշել, որ այդ միջադեպի մասին առաջին անգամ լսել է դատավարության ժամանակ։ Դատական հաջորդ նիստը նշանակվել է ապրիլի 17-ին։

Թարգմանությունը՝ Էմմա Չոբանյանի