23.02.2026 | 17:07
Ռուսաստանի դեմ ԵՄ պատժամիջոցների 20-րդ փաթեթը երկուշաբթի օրը չի համաձայնեցվի. Կալաս
36 համարի «MAN» ավտոբուսի վարորդը հետիոտնի է վրաերթի ենթարկել
Հասարակություն
14.04.2025 | 16:34
Երևանում «MAN» մակնիշ ավտոբուսը Մաշտոց-Թումանյան փողոցների խաչմերուկում հետիոտնի է վրաերթի ենթարկել։ Տեղեկությունը Factor.am-ին հայտնեցին ՆԳՆ ոստիկանության լրատվության ծառայությունից։
Հիվանդանոցից հաղորդում է ստացվել ոստիկանություն, որ ժամը 13․30-ին շտապօգնության խումբը վնասվածքներով իրենց մոտ է տեղափոխել կնոջ, որը վնասվածքները ստացել է Մաշտոց-Թումանյան խաչմերուկում 36 համարի երթուղին սպասարկող ավտոբուսի վարորդի կողմից վրաերթի ենթարկելու հետևանքով։Կազմված փաստաթղթերն ուղարկվել են նախաքննական մարմին։
Քննչական կոմիտեից Factor.am-ին փոխանցեցին, որ ավտոբուսի վարորդի կողմից հետիոտնին վրաերթի ենթարկելու դեպքի առթիվ ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում ՀՀ քրեական օրենսգրքի 342-րդ հոդվածի 1-ին մասով նախաձեռնվել է քրեական վարույթ՝ ճանապարհային երթևեկության անվտանգության ապահովմանն ուղղված պահանջները խախտելու հատկանիշներով։ Կատարվում է նախաքննություն:
Հետիոտնը ճանաչվել է տուժող, նշանակվել է դատաբժշկական փորձաքննութուն:
Անի Թամրազյան
