16.11.2024 | 17:29
Պուտինի և Շոլցի հեռախոսազրույցը տևել է մեկ ժամ
Մարդիկ, որոնք այսօր պիտի սեղանի տակ թաքնված լինեին, սպառնում են. Արա Պապյան․ ՏԵՍԱՆՅՈՒԹ
Քաղաքականություն
04.10.2018 | 12:58
«Մոդուս Վիվենդի» կենտրոնի ղեկավար Արա Պապյանը վերջին շրջանում երկրում ստեղծված իրավիճակը խիստ լարված է համարում, քանի որ ընդդիմադիրները կամ հակահեղափոխականները սաստկացնում են իրենց դիմադրությունը: Բանախոսը նշում է՝ «հասկանում են, որ կորցնելու շատ բան ունեն, իսկ ընդունված վիճահարույց օրենքի նախագիծն այդ քայլերից մեկն էր»։
Այս մասին այսօր հրավիրված մամուլի ասուլիսի ժամանակ ասաց քաղաքագետը՝ նշելով, որ վարչապետի հրաժարական տալու և նոր վարչապետ չառաջադրելու միջոցով խորհրդարանի լուծարումն իրականացնելը ռիսկային է համարում։
«Վստահություն կա, որ նրանք անպայման կառաջադրեն իրենց թեկնածուն, որովհետև կանխել դա բավականին դժվար է լինելու։ Եթե խնդիրը գնում է 2 շաբաթ Ազգային ժողովի շենքը շրջափակած պահելու մասին, ապա դա անհնարին է, քանի որ պատգամավորները կարող են նաև իրենց քվեն ուղարկել գրավոր ձևով։ Մյուս կողմից, եթե առաջադրում են վարչապետ, դա հանգեցնելու է բախումների, ուստի պետք է գործել այն տրամաբանությամբ, որ երկրում հեղափոխություն է կամ հեղափոխության փորձ, քանի որ ապօրինության վրա չի կարող օրինականություն խարսխվել»,- ասաց Պապյանը՝ ընդգծելով, որ մարդիկ, որոնք էսօր պիտի սեղանի տակ թաքնված լինեին, սպառնում են։
Արա Պապյանը նաև նշեց, որ ստեղծված իրավիճակում խոսքը չի գնում միայն հանրաքվեի մասին, կարելի է նաև հարցադրում հնչեցնել՝ արդյոք ժողովուրդը համաձա՞յն է , որ ԱԺ-ն լուծարվի և արտահերթ ընտրություն անցկացվի, որի օգտին ժողովուրդը կարող է քվեարկել, հակառակ պարագայում հակահեղափոխական ուժերը կարող են այնպիսի գործողությունների դիմել, որ մեր մտքով անգամ չի անցնում։
Մանրամասները՝ տեսանյութում։
