12.04.2026 | 13:34
Օդի ջերմաստիճանն աստիճանաբար կբարձրանա 9-13 աստիճանով
Չէի մտածում, որ կարդարացվեմ. Փաշինյանի ուղղությամբ խնձոր նետած տղամարդ․ ՏԵՍԱՆՅՈՒԹ
Հասարակություն
11.04.2025 | 17:38
«Չէի մտածում, որ կարդարացվեմ, բայց այն, ինչ արել եմ, չեմ փոշմանում»,- այս մասին դատարանի բակում լրագրողների հետ զրույցում ասաց Նիկոլ Փաշինյանի ուղղությամբ խնձոր նետած տարեց տղամարդը, որն այսօր արդարացվեց դատարանում։
«Բողոքի ակցիա է եղել իմ կողմից։ Ինչ արել եմ, սիրտս հանգստացել է, եթե 2-րդ անգամ հադիպեմ իրեն, մի երկու լավ բան կասեմ»,- ասաց Նիկոլ Փաշինյանի ուղղությամբ խնձոր նետած Ալբերտ Առստամյանը։
Հիշեցնենք՝ Երևանի Զեյթուն թաղամասի 71-ամյա բնակիչ Ալբերտ Առստամյանը 2024 թվականի օգոստոսին իրենց բակում տեսել էր վարչապետ Նիկոլ Փաշինյանին և 9-րդ հարկի իր պատշգամբից խնձորը նետել նրա ուղղությամբ, սակայն չէր դիպել: Ոստիկանները ժամերի ընթացքում տարեց տղամարդուն տարել էին ձերբակալվածների պահման վայր, ոստիկանության բաժանմունք էին տեղափոխել նաև ընտանիքի անդամներին։ Արցախցի տղամարդուն մեղադրանք էր առաջադրվել խուլիգանության հոդվածով: Այսօր Երևան քաղաքի առաջին ատյանի ընդհանուր իրավասության քրեական դատարանի դատավոր Արման Հովհաննիսյանն արցախցի 71-ամյա Ալբերտ Առստամյանի գործով կայացրեց արդարացման վերդիկտ՝ նշելով, որ նրան մեղսագրվող ՔՕ 297-րդ հոդվածի 1-ին մասով (խուլիգանություն) սահմանված հանցակազմի առկայությունը ապացուցված չէ։ Մայիսի 23-ին տեղի կունենան լրացուցիչ դատալսումներ։
Մանրամասները՝ տեսանյութում։
