30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
«Խելագարի պես ռմբակոծում են». Թրամփը դժգոհել է Ուկրաինային ՌԴ հարվածներից
Քաղաքականություն
08.04.2025 | 12:19
ԱՄՆ նախագահ Դոնալդ Թրամփը հայտարարել է, որ «ուրախ չէ» Ռուսաստանի կողմից Ուկրաինայում շարունակվող հարվածներից, քանի որ ԱՄՆ-ը փորձում է միջնորդել երկու երկրների միջև մարտերի ավարտի հարցում, գրում է CNN-ը։
«Ես գոհ չեմ այն բանից, ինչ է կատարվում ռմբակոծությունների հետ։ Նրանք հիմա ռմբակոծում են խելագարի պես: Դա լավ իրավիճակ չէ»,- ասել է Թրամփը Իսրայելի վարչապետ Բենիամին Նեթանյահուի հետ Սպիտակ տանը հանդիպման ժամանակ:
Անդրադառնալով հարցին, թե ինչո՞ւ մաքսատուրքերի նոր քաղաքականությունը Ռուսաստանից որևէ վճար չի ներառում, ԱՄՆ նախագահը պատասխանել է․ «Որովհետև մենք, ըստ էության, բիզնես չենք անում Ռուսաստանի հետ, քանի որ նրանք պատերազմական վիճակում են»։
Թրամփն ասել է, որ ԱՄՆ պաշտոնյաները հանդիպում են ռուս և ուկրաինացի պաշտոնյաների հետ, և «ավելի են մոտենում», սակայն չի հստակեցրել՝ արդյո՞ք դա նշանակում է, որ հրադադարը մոտ է:
Հավելենք, որ Թրամփն ավելի վաղ Ռուսաստանին կոչ էր արել դադարեցնել հարձակումներն Ուկրաինայի վրա։
«Մենք խոսում ենք Ռուսաստանի հետ: Մենք կցանկանայինք, որ նրանք դադարեցնեն: Ես չեմ սիրում ռմբակոծություններ: Ռմբակոծությունները շարունակվում ու շարունակվում են: Ամեն շաբաթ մարդիկ են մահանում, հազարավոր երիտասարդներ են մահանում»,- ասել էր ԱՄՆ նախագահը։
Թարգմանությունը՝ Էմմա Չոբանյանի
