20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Ապրիլին Երևանում օդի առավելագույն ջերմաստիճանը կարող է հասնել +28-ից մինչև +30 աստիճանի. Սուրենյան․ ՏԵՍԱՆՅՈՒԹ
04.04.2025 | 13:40
Ապրիլին Երևանում օդի առավելագույն ջերմաստիճանը կարող է հասնել +28-ից մինչև +30 աստիճանի․ Գագիկ Սուրենյան
Ապրիլ ամիսը կլինի տաք և բավարար տեղումներով, օդի ջերմաստիճանն էլ 1-2 աստիճանով նորմայից բարձր կլինի, այս մասին մամուլի ասուլիսի ժամանակ տեղեկացրեց ՇՄ «Հիդրոօդերևութաբանության և մոնիթորինգի կենտրոն»-ի տնօրենի տեղակալ Գագիկ Սուրենյանը։
Նրա փոխանցմամբ՝ ապրիլին հիմնականում գերակշռելու են արևադարձային լայնություններից ներթափանցող հոսանքները, բայց չի բացառվում, որ հատկապես ամսվա վերջում առանձին օրերի արկտիկական ցուրտ հոսանքներ ներթափանցեն։ Սուրենյանի խոսքով՝ ապրիլին տեղումների քանակի նորման բարձր է, և ակնկալվում է, որ այս տարի ապրիլին լինեն բավականաչափ տեղումներ։
«Ամենակարևորն՝ առաջիկա օրերին ցուրտ օդային հոսանքների ներթափացում չի սպասվում։ Ճիշտ է՝ կունենենանք ցիկլոններ, բայց դրանք կլինեն հարավարևմուտքից և մեր տարածաշրջան բերելու են խոնավ տաք օդ։ Դա նշանակում է, որ առաջիկա 10 օրերին հանրապետության տարածքում օդի ջերմաստիճանի անկում չի գրանցվի։ Դա շատ ուրախալի է, քանի որ օր-օրի ցրտահարության ռիսկը նվազում է»,- ասաց նա՝ հավելելով, որ ապրիլին Երևանում օդի առավելագույն ջերմաստիճանը կարող է հասնել +28-ից մինչև+30 աստիճանի։
«Հիդրոօդերևութաբանության և մոնիթորինգի կենտրոն»-ի տնօրենի տեղակալը նաև նշեց, որ մինչև ապրիլի 8-ը ներառյալ հանրապետությունում լուրջ ցիկլոնների ներթափանցում չի կանխատեսվում, իսկ 9-13-ին հանրապետության որոշ հատվածներում ժամանակ առ ժամանակ կլինեն տեղումներ։
Մանրամասները՝ տեսանյութում։
