11.12.2025 | 21:15
Փաշինյանի նոր առաջարկը Ալիևին․ վարչապետը սպառնո՞ւմ է պատերազմով․ ՏԵՍԱՆՅՈւԹ
ԱՄՆ Պետդեպը Թրամփի իշխանության գալուց հետո առաջին անգամ մեկնաբանել է Վրաստանում իրավիճակը
Քաղաքականություն
03.04.2025 | 22:57
ԱՄՆ Պետքարտուղարությունը Դոնալդ Թրամփի իշխանության գալուց հետո առաջին անգամ մեկնաբանել է Վրաստանում ստեղծված քաղաքական իրավիճակը, գրում է globalnews.ge-ն։
Globalnews.ge-ն ճեպազրույցի ժամանակ Վրաստանում ստեղծված իրավիճակի վերաբերյալ Միացյալ Նահանգների դիրքորոշման հետ Պետքարտուղարության մամուլի քարտուղար Թեմմի Բրյուսին հետևյալ հարցն է ուղղել․ «Վրաստանում իշխող կուսակցության հետ ունեցե՞լ եք շփում, եթե այո, ապա կարո՞ղ եք կիսվել, թե ինչ շփման մասին է խոսքը։ Վրաստանում իրավիճակը շատ ծանր է, վրաց ժողովուրդը և միջազգային հանրությունը չեն ճանաչում ընտրությունների արդյունքները։ Ձերբակալվել են խաղաղ ցուցարարներ, ինչպես նաև անկախ լրագրող, որը ներկայում գտնվում է բանտում։ Հաշվի առնելով այս հանգամանքները՝ ինչպիսի՞ն է ձեր տեսակետը Վրաստանի իրավիճակի վերաբերյալ»։
Վրաստանում տիրող իրավիճակի վերաբերյալ հարցերին ի պատասխան՝ Պետքարտուղարությունը պաշտոնական պատասխան է ուղարկել։
«Մենք շարունակում ենք գնահատել մեր մոտեցումը Վրաստանի նկատմամբ՝ ամերիկյան շահերն առաջ տանելու համար։ Միացյալ Նահանգները հստակեցրել է այն քայլերը, որոնք Վրաստանի կառավարությունը կարող է ձեռնարկել՝ ցույց տալու համար, որ լրջորեն է վերաբերվում Միացյալ Նահանգների հետ հարաբերությունների բարելավմանը։ Ինչ վերաբերում է «Վրացական երազանքի» կառավարության ձեռնարկած հակադեմոկրատական գործողություններին, ինչպես Մյունխենում ասել է փոխնախագահ Ջեյ Դի Վենսը՝ չեք կարող ստանալ ժողովրդավարական մանդատ՝ գրաքննելով ձեր ընդդիմախոսներին կամ բանտ նստեցնելով, ոչ էլ կարող եք հաղթել՝ արհամարհելով ձեր հիմնական ընտրազանգվածը այնպիսի հարցերի շուրջ, ինչպիսին է, թե ով պետք է լինի մեր ընդհանուր հասարակության մի մասը»,- ասվում է պատասխանում։
Նշվում է, որ Միացյալ Նահանգները 33 տարի եղել է Վրաստանի և վրաց ժողովրդի գործընկերը և Վրաստանի անկախության, ինքնիշխանության և տարածքային ամբողջականության ամուր ջատագովը։
Թարգմանությունը՝ Էմմա Չոբանյանի
