25.04.2026 | 10:26
Դատարանը հաստատել է հաշտությունը․ Աղայան փողոցի հողամասն ու 97 նկուղային տարածքը կվերադարձվեն պետությանը
ԵԽ-ն վավերացրել է Թուրքիային 70 մլն եվրո չտրամադրելու օրինագիծը
Քաղաքականություն
03.10.2018 | 13:03
Եվրախորհրդարանը (ԵԽ) վավերացրել է Թուրքիային ֆինանսական օգնություն չտրամադրելու մասին փաթեթը, որը ընդունվել էր 2018թ. սկզբին. տեղեկացնում է ermenihaber-ը:
Ֆինանանսական օգնության փաթեթը 2018-ի նոյեմբերին պետք է Թուրքիային տրամադրվեր այդ երկրում օրենքի գերակայության, ժողովրդավարության, մարդու իրավունքների ու մամուլի ազատության ոլորտում չափելի և բավարար առաջընթացի առկայության դեպքում: Սակայն ԵԽ-ի բյուջեի հանձնաժողովը, հիմք ընդունելով 2018-ի ապրիլի 18-ին Թուրքիայի վերաբերյալ ԵՄ-ի հրապարակած բացասական եզրակացությամբ զեկույցը, որոշում էր կայացրել չեղարկել փաթեթի տրամադրումը:
Հանձնաժողովի կողմից ընդունված որոշման նախագծի վերջնական հաստատման համար անհրաժեշտ էր, որ այն մեկ անգամ էլ քվեարկության դրվի ԵԽ-ի լիագումար նիստում:
Ստրասբուրգում օրինագծի վավերացմանը կողմ են քվեարկել ԵԽ-ի 544 պատգամավոր, 28-ը՝ դեմ, 74-ը՝ ձեռնպահ։ Նշվում է, որ վավերացման պատճառն այն էր, որ Թուրքիայում մինչ օրս ժողովրդավարության, մարդու իրավունքների պաշպանության հետ կապված հարցերում առաջընթաց տեղի չի ունեցել։
Նշվում է նաև, որ այն գումարը, որ ԵԽ-ն պատրաստվում էր տրամադրել Թուրքիային, օգտագործվելու է Միջերկրական ծովից Եվրոպա գաղթող փախստականների հարցերը լուծելու համար։
Աղբյուրն ընդգծում է, որ սա ԵԽ-ի պատմության մեջ առաջին դեպքն է, երբ թեկնածու երկրին չի տարամադրվում ֆինանսական օգնություն։
