24.06.2026 | 22:24
Հայաստանի դիվանագիտական ծառայության ներկայացուցիչների մոտ կեսը կանայք են. ԱԳՆ
Factor.am-ն աշխատանքի է հրավիրում կայքի թողարկող խմբագրի
02.04.2025 | 21:12
Եթե հավատում եք, որ լրագրությունը կարող է և պետք է լինի պատասխանատու, էթիկական և վստահելի, եթե ունեք որակյալ բովանդակություն ստեղծելու ներուժ և սիրում եք աշխատել թիմում, ապա այս հայտարարությունը Ձեզ համար է։
Մենք փնտրում ենք թողարկող խմբագիր, որը՝
- կիրականացնի կայքի լրահոսի թողարկման գործընթացը՝ ապահովելով տեղեկատվության ճշգրտությունն ու արագ հասանելիությունը,
- կհետևի լրագրողական էթիկայի սկզբունքներին և կապահովի բովանդակության որակը՝ անգամ արագ փոփոխվող և լարված տեղեկատվական պայմաններում,
- կդրսևորի նախաձեռնողականություն, խնդիրների լուծման պոզիտիվ մոտեցում՝ միաժամանակ լինելով թիմային խաղացող։
Պահանջվող հմտություններ․
- Հայերենի գերազանց իմացություն, ինչպես նաև ռուսերեն և անգլերեն լեզուների առնվազն լավ իմացություն,
- Բարձրորակ, վստահելի և կոնտեքստային բովանդակություն ստեղծելու կարողություն,
- Տեքստերի արագ պատրաստման, խմբագրման և կարևորի տարբերակման հմտություններ,
- Գրավիչ վերնագրերի ստեղծման ունակություն՝ առանց սենսացիոնիզմի,
- Տեղեկության ստուգման և աղբյուրների վերլուծության կարողություններ,
- Արհեստական բանականության գործիքների կիրառման հմտություններ՝ աշխատանքի արդյունավետության բարձրացման համար,
- Համակարգչային և CMS (WordPress) գիտելիքներ,
- Արագ կողմնորոշվելու ունակություն, սթրեսակայունություն,
- Ճգնաժամային իրավիճակներում արագ և պատասխանատու որոշումներ կայացնելու կարողություն,
- SEO հմտություններ և հոդվածների օպտիմալացում որոնողական համակարգերի համար,
- Կայքի այցելությունների և տեքստերի արդյունավետության վերլուծություն,
- Մուլտիմեդիա հմտություններ՝ Canva, CapCut և այլ գործիքներով աշխատելու կարողություն,
- Սոցիալական ցանցերում նյութերի ճիշտ տարածման հմտություններ և հեղինակային իրավունքների հիմունքների ըմբռնում,
- Մեդիամոնիտորինգի և մեդիա վերլուծության հմտություններ,
- Լրագրողական էթիկայի խորը ըմբռնում և մշտական պատրաստակամություն պահպանելու մասնագիտական չափանիշները։
Ի՞նչ ենք մենք առաջարկում․
- Գործընկերներին աջակցող և ստեղծագործ թիմ,
- Մասնագիտական աճի, կարողությունների զարգացման և նախաձեռնությունների իրագործման հնարավորություն,
- Մրցունակ վարձատրություն՝ փորձի և հմտությունների համադրությամբ,
Աշխատանքային փորձը պարտադիր է։
Եթե կարծում եք, որ համապատասխանում եք վերը նշված պահանջներին, խնդրում ենք ուղարկել Ձեր CV-ն [email protected] և [email protected] էլ. հասցեներին։ Նախնական ընտրությունն անցած թեկնածուների հետ կապ կհաստատենք պայմանների հետագա քննարկման համար։
Միացե՛ք մեզ, եթե ցանկանում եք լինել մի միջավայրում, որտեղ արժևորվում են պրոֆեսիոնալիզմը, թիմային աշխատանքը և պատասխանատու լրագրությունը։
