25.05.2026 | 11:11
Երևան-Մեղրի ճանապարհին բախվել են «Mercedes» մակնիշի մարդատար և երկու «Iveco» մակնիշի բեռնատարներ. կան տուժածներ
Զելենսկին հայտնել է, որ ապրիլի 4-ին տեղի կունենա Ուկրաինա զորախումբ ուղարկելու պատրաստ երկրների ռազմական թիմերի հանդիպումը
Քաղաքականություն
02.04.2025 | 11:55
Ապրիլի 4-ին տեղի կունենա այն երկրների ռազմական ներկայացուցիչների հանդիպումը, որոնք պատրաստ են Ռուսաստանի հետ պատերազմի ավարտից հետո ռազմական զորակազմ տեղակայել Ուկրաինայում։ Այս մասին հայտարարել է Ուկրաինայի նախագահ Վլադիմիր Զելենսկին նախօրեին Գերմանիայի ԱԳ նախարար Անալենա Բերբոքի հետ մամուլի ասուլիսի ժամանակ, գրում է ՌԲԿ Ուկրաինան։
«Մեզ մոտ ուրբաթ հանդիպում տեղի կունենա մի քանի երկրների զինվորական թիմերի, նեղ շրջանակի հետ, որոնք պատրաստ են այս կամ այն ձևով զորախումբ տեղակայել։ Քանի որ կա ցամաքային մաս, օդային, նաև ներկայություն ծովում։ Սա կլինի առաջին խորքային հանդիպումը, ավելի վաղ խորհրդակցություններ են եղել։ Կարծում եմ՝ մենք կտեսնենք որոշ պարզաբանումներ, որոշ մանրամասներ»,- ասել է Զելենսկին։
Ըստ նրա՝ կարևոր է, որ այդ հանդիպումը հիմնված է լինելու ուկրաինական կողմի նախապատրաստած դիրքորոշումների վրա։
«Մենք այս որոշումը կայացրել ենք Փարիզում կայացած վերջին գագաթնաժողովում»,- հավելել է Զելենսկին։
Օրերս նա հայտարարել էր Ուկրաինայում զորակազմի տեղակայման վերաբերյալ ռազմական ներկայացուցիչների հանդիպման նախապատրաստման մասին ու նշել, որ այն կկայանա Կիևում՝ «նեղ շրջանակում»։ Ավելի վաղ էլ Ֆրանսիայի նախագահ Էմանուել Մակրոնն ասել է ր, որ «ֆրանս-բրիտանական թիմ» կուղարկվի Ուկրաինա։ Սակայն դեռևս հայտնի չէ, թե ովքեր են դրանում ընդգրկված լինելու։
Թարգմանությունը՝ Էմմա Չոբանյանի
