Քաղաքականություն
14.07.2017 | 14:13
Պետդուման վավերացրել է Հայաստանի հետ զորքերի միավորված խմբավորման մասին 2016 թվականի նոյեմբերի 30-ին Մոսկվայում ստորագրված համաձայնագիրը. տեղեկացնում է ria.ru-ն:
Համաձայնագիրը և դրա հավելվածը որոշակիացնում են ՌԴ-ի և Հայաստանի զորքերի միավորված խմբավորման նշանակությունը, ձևավորման, զարգացման և կիրառման կարգը:
«Զորքերի միացյալ խմբավորման մեջ մտնում են կողմերի զորքերը, զինված ուժերը, ինչպես նաև այլ զորամիավորումները որոնք տեղակայված են տարածաշրջանում: Անմիջական սպառնալիքի, ագրեսիայի կամ պատերազմի ժամանակ արժանի հակահարված տալու՝ միասնական հրամանատարության, մեկ հայեցակարգի ներքո», – ասված է համաձայնագրում:
Միավորված խմբավորման հիմնական խնդիրներն են. ճիշտ ժամանակին ՌԴ-ի և Հայաստանի դեմ զինված հարձակման անմիջական նախապատրաստման բացահայտումը և դրա հակադարձումը, երկու պետությունների պետական սահմանների ցամաքային հատվածի փակումը, օդատիեզերական տարածքում ՌԴ-ի և Հայաստանի պետական սահմանի պաշտպանությունը, ինչպես նաև զորքերի և տարածաշրջանում գտնվող երկու երկրների խիստ կարևոր օբյեկտների հակաօդային պաշտպանությանը մասնակցությունը:
